Хаартыска: ааптар тиксэриитэ
Орто дойдуга, төрөөбүт айылҕабытыгар киһи кэрэхсии, сөҕө-махтайа, соһуйа да көрөрө элбэх. Ким эрэ ол дьиктини аттынан ааһыа, ким эрэ санааҕа ылларыа, ким эрэ хоһооҥҥо-ырыаҕа хоһуйуо.
Биһиги эрэллээх ааҕааччыбыт Валерий Седалищев-Айылҕан айылҕа биир дьиктитин, соҕотохсуйбут хатыҥы хоһоонугар хоһуйбутун сэргиэҕиҥ.
Көрүстүм алааспар
Соҕотох хатыҥчаан турарын.
Бэйэбэр тэҥнээн көрөммүн
Сүрэҕим нүөлүйэн ылбыта.
Ийэ буортан тутуһан,
Соҕотох, сулумах, кураанах,
Сонньуйбут, эмэҕирбит,
Олох эрэйин билбит көрүҥнээх
Турарыҥ, турарыҥ, турарыҥ.
Кинини көрөн сөхтүм,
Кини күүстээх санаатын.
Сөхтүм кини тулуурун,
Олоххо талаһар күүһүн.
Киэһээҥҥи күн сарыалын атаара
Далбаатыы турарга дылыта,
Эбэтэр сүтэрбит доҕорун ыҥыран,
Далбаатыы турара дуу?
Билбэппин кини дьылҕатын,
Билбэппин кини олоҕун,
Билбэппин кини санаатын,
Билбэппин хайдах буолбутун.
Ол эрэн, киниттэн мин санаам күүһүрдэ.
Кини миэхэ кэпсиир курдуга —
Олоххо, олоххо дьулуһууну,
Олох бу сиргэ күндүтүн.
Быраһаай, хатыҥым барахсан,
Санаатын түһэрбэт хатыҥым.
Тураахтаа, охтума, кэхтимэ,
Көрүс күн аайы сарыалгын.
Аттыгар кэрэ хатыҥ үүнүөҕэ,
Күөрэгэй чыычааҕыҥ ыллыаҕа,
Хойуу, күөх сэбирдэххин
Алаас тыала хамсатыаҕа.
Дьокуускай куорат 23 №-дээх оскуолатын дириэктэрэ Георгий Афонскай Төрүт сокуоҥҥа уларытыылар киирэллэринэн сибээстээн, төлөбүрдээх үөрэх…
Бүгүн Амма улууһун Соморсунугар тыатааҕыны өлөрбүттэрин туһунан видео тарҕанна. Онон сибээстээн, СӨ Экологияҕа, айылҕаны туһаныыга,…
Алтынньы 22-23 күннэригэр Ил Түмэн уон төрдүс пленарнай мунньаҕа буолуохтаах, дьокутааттар Ил Дархан Төрүт Сокуоҥҥа…
Алтынньы 20 күнүгэр, Асчыт күнүгэр, «Пятница!» телеханаалга «Битва шефов» шоу бэһис сезонун 15 таһаарыытыгар "Тыгын…
“Саха” ГТРК “Быһа кэпсэтии” биэриитигэр Ил Дархан Айсен Николаев СӨ Төрүт Сокуонугар киирэр уларытыылар өрөспүүбүлүкэ…
Өрөспүүбүлүкэ Ил Дархана Айсен Николаев бүгүн, алтынньы 21 күнүгэр, «Саха» ГТРК «Прямой разговор» аһаҕас эпииргэ…