ХААРТЫСКА: Бүгүн ММА-ҕа Ил Дархан Куубага саҕаланар

Бүгүн, атырдьах ыйын 18 күнүгэр, Дьокуускайга ММА-ҕа Ил Дархан Айсен Николаев Куубага саҕаланар. Күрэхтэһиигэр 26 бөҕөс киирсиэҕэ.

Бэҕэһээ «Куруһаала» дьиэтигэр байыастар ыйааһыннаннылар. Оттон бүгүн «Өрөгөй» успуорка бэлэмнээх буолуу киинигэр 18:00 чаастан күрэхтэһиэхтэрэ.

Таджикистан, Узбекистан, Кыргызстан, Бурятия, Алтай, Новосибирскай, Москва, Дагестан, Иран уонна Саха сирин күүстээх спортсменнара кыттыахтара. Саха сириттэн аҕыс байыас кыттыаҕа — Узаир Абдураков, Октябрин Яковлев, Игнатий Андросов, Андрей Лаптев, Федор Огоюкин, Денис Андреев, Григорий Барашков уонна Гавриил Семенов.

Турнир «Eagle FC» диэн UFC чөмпүйүөнэ Хабиб Нургамомедов Лиигатын иитинэн ыытыллыаҕа.