ХААРТЫСКА: Бүлүүгэ ньургуһун кумахха кытта үүммүт

Сааскы сылаас ылааҥы күннэр тураннар, күүтүүлээх—кэтэһиилээх сайыммыт чугаһаан, тоҥ буору тобулан, күҥҥэ талаһан үүммүт кэрэ ньургуһун сибэкки хаартыскалара социальнай ситимнэринэн үгүстүк тарҕанна. 

Ньургуһун быйыл өлгөмнүк да үүммүт, Сахабыт сирин сыһыыларын толору бүрүйбүт. Оннооҕор киин куорат килбэйэр киинигэр, Бэчээт дьиэтин иннигэр кытта тахсыбытын туһунан сонуннарга суруйбуппут.

Оттон Бүлүү бөлөх эҥэр үүнэр күөхтүҥү-хара саарыл ньургуһуннар бу күннэргэ Бүлүү куорат киинигэр кумахха кытта үүммүттэрэ хаартыската дьон-сэргэ сэҥээриитин ылла. Норуот итэҕэлинэн толоону толорбут ньургуһун быйаҥы билгэлиир. Хаартыскалары «Олох суола» хаһыат ТГ-ханаала тарҕатта.