ХААРТЫСКА: Дьокуускайга буруйдаахтар Кыайыы 80 сылыгар сыыппаранан стройдаатылар

Саха сирин холуонньаларынан Аҕа дойду Улуу сэриитигэр Кыайыы 80 сылыгар аналлаах тэрээһиннэр ыытылыннылар.

Бу туһунан Саха сиринээҕи УФСИН пресс-сулууспата иһитиннэрэр. Буруйдаахтар «Өйдөбүнньүк чүмэчитэ» патриотическай аахсыйаҕа кытыннылар. Махтал, кутурҕан бэлиэтинэн чүмэчилэри уматан уурдулар. Ыам ыйын 9 күнүгэр тэрилтэ территориятыгар баар пааматынньыктарга уонна обелискаларга веноктары, сибэкки дьөрбөтүн уурдулар.

7 №- дээх холуонньаҕа буруйдаахтар Кыайыы 80 сылыгар анаан бэлиэ даата сыыппаратынан стройдаатылар. Итиэннэ буруйдаахтарга уус-уран киинэлэри көрдөрүү, сценическэй туруоруулары уонна «Этих дней не смолкнет слава!» стендэ-хаһыат оҥоруутун куонкурустара тэрилиннэ.