ХААРТЫСКА: Дьокуускайга «Кыайыыны аҕалбыт буойуннар» монумеҥҥа сибэкки дьөрбөтүн уурдулар

Бүгүн, ыам ыйын 9 күнүгэр, Дьокуускайга Кыайыы болуоссатыгар «Кыайыыны аҕалбыт буойуннар» монумеҥҥа сибэкки дьөрбөтүн ууруу сиэрэ-туома ыытылынна, итиэннэ Улуу Кыайыы 80 сылынан  байыаннай-патриотическай параад буолла.

Тэрээһин кыргыһыы хонуутугар охтубут саллааттары, концлааҕырдарга эрэйи-сору билбит, сураҕа суох сүппүттэри, Кыайыыга диэри тиийбэтэх дьону санаан, чуумпуруу мүнүүтэтиттэн саҕаланна. Знамяны өрө туппут бөлөх салайыытынан холуонна Кыайыы болуоссатын киин аллеятынан ааста.

Сибэкки дьөрбөтүн уурууга Аҕа дойду Улуу сэриитин кыттыылаахтара, бэтэрээннэр, өрөспүүбүлүкэ салалтата уонна уопсастыбаннас бэрэстэбиитэллэрэ кыттыыны ыллылар.