Хаартыска: Надежда Коротова.
Дьокуускайга култуура, сынньалаҥ пааркатыгар ньургуһуннар таҕыстылар, ньуолах түүнэн саптына, сиртэн сэрбэйэ быктылар.
Паарка иһигэр хаар ууллан, бастакы ньургуһуннар быган эрэллэр. Паарка түгэҕин диэки хаалыктаах хаамар, сүүрэр дьон сылдьаллар. Кыһыннары элбэх сиэмэни, эриэхэни сиэн уойбут, сайыҥҥылыы түүлүү илик тииҥнэр сырбаҥалыы сүүрэллэр. Хата, аһыыр сирдэрин бэркэ билэллэр. Ас баарын биллэхтэринэ, чугас кэлэн, киһи илиититтэн аһыыллар, куттамматтар.
Фотограф Надежда Коротова Судаарыстыбаннас күнүгэр пааркаҕа күүлэйдии сылдьан, тииҥнэри, бастакы ньургуһуннары хаартыскаҕа түһэрдэ.
Ньургуһун хаары, хаһыҥы тулуйан, тоҥ буору тобулан тахсан, сырдыкка, күҥҥэ тардыһар, кэрэ сэбэрэтинэн дьону үөрдэр. Аата да этэрин курдук, ньургун сибэккини саха дьоно олус таптыыллар. Ньургуһун — саас, сылаас, дьулуур, тулуур, бастакы таптал бэлиэтэ буолар. Аҕыйах күнүнэн күн диэки алаарыччы көрүөхтэрэ, тырымныы күлүөхтэрэ, мичилийэ тыллыахтара.
Быйыл сааспыт эрдэлээн иһэр эрээри, сотору-сотору хаардыыр. Ол да буоллар, сотору кэминэн күөх от бытыгырыа, сайыммыт салаллыа.
Дьокуускай 4 №-дээх полиция отделын дьуһуурунай чааһыгар сибэкки солуонун үлэһитэ сайабылыанньа суруйбут. Кини быһаарбытынан, урбаанньыт…
Муус устар 29 күнүгэр киэһэ 17.30 чаастан өрөспүүбүлүкэтээҕи медиа-кииҥҥэ «Уһук Илиҥҥэ айыллыбыт: айар дьоҕуртан экэниэмикэҕэ…
СӨ Борокуратуурата Уус Алдан оройуонун ИДьМ урукку силиэстийэлиир отделын силиэстийэлээччитин буруйу оҥорууга холуобунай буруйдааһынын өйөөтө.…
Мэҥэ Хаҥалас 2 Наахара нэһилиэгин Хочо сэлиэнньэтин кэнники сылларга сэдэх көтөрдөр быһа ааспаттар. Ол курдук,…
Саха сирин сүүрүүгэ Петр Захаров аан дойду алта сүрүн сүүрүүтүн түмэр World Marathon Majors марафоҥҥа…
Уһулуччулаах судаарыстыбаннай уонна бэлитиичэскэй диэйэтэл И.Н. Барахов төрөөбүт сиригэр, Үөһээ Бүлүү улууһун Харбалааҕар баар кини…