Хаартыска: Надежда Коротова.
Дьокуускайга култуура, сынньалаҥ пааркатыгар ньургуһуннар таҕыстылар, ньуолах түүнэн саптына, сиртэн сэрбэйэ быктылар.
Паарка иһигэр хаар ууллан, бастакы ньургуһуннар быган эрэллэр. Паарка түгэҕин диэки хаалыктаах хаамар, сүүрэр дьон сылдьаллар. Кыһыннары элбэх сиэмэни, эриэхэни сиэн уойбут, сайыҥҥылыы түүлүү илик тииҥнэр сырбаҥалыы сүүрэллэр. Хата, аһыыр сирдэрин бэркэ билэллэр. Ас баарын биллэхтэринэ, чугас кэлэн, киһи илиититтэн аһыыллар, куттамматтар.
Фотограф Надежда Коротова Судаарыстыбаннас күнүгэр пааркаҕа күүлэйдии сылдьан, тииҥнэри, бастакы ньургуһуннары хаартыскаҕа түһэрдэ.
Ньургуһун хаары, хаһыҥы тулуйан, тоҥ буору тобулан тахсан, сырдыкка, күҥҥэ тардыһар, кэрэ сэбэрэтинэн дьону үөрдэр. Аата да этэрин курдук, ньургун сибэккини саха дьоно олус таптыыллар. Ньургуһун — саас, сылаас, дьулуур, тулуур, бастакы таптал бэлиэтэ буолар. Аҕыйах күнүнэн күн диэки алаарыччы көрүөхтэрэ, тырымныы күлүөхтэрэ, мичилийэ тыллыахтара.
Быйыл сааспыт эрдэлээн иһэр эрээри, сотору-сотору хаардыыр. Ол да буоллар, сотору кэминэн күөх от бытыгырыа, сайыммыт салаллыа.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…