ХААРТЫСКА: Дьокуускайга «Үлэ» диэн саҥа арт-эбийиэк баар буолла

Дьокуускайга тыыл бэтэрээннэрин уонна сэрии оҕолорун искибиэрдэригэр «Үлэ» диэн арт-эбийиэк баар буолла. Бу туһунан Дьокуускай куорат дьаһалтатын пресс-сулууспата иһитиннэрэр.

Инсталляция Аҕа дойду Улуу сэриитигэр Кыайыыга саха норуотун кылаатын үйэтитэр сыаллаах оҥоһулунна. Бырайыак ааптарынан П.П.Романов аатынан Дьокуускайдааҕы художественнай училище преподавателэ, Арктикатааҕы култуура уонна ускуустуба институтун дассыана Александра Неустроева буолар. Оттон Роман Терентьев салайааччылаах «Сырдык» рекламнай-производственнай хампаанньа эбийиэги олоххо киллэрдэ.