ХААРТЫСКА: «Нулевой килэмиэтир» миэстэтин уларыттылар

Нуучча географическай уопсастыбата уонтан тахса сыллааҕыта «нулевой килэмиэтир» бэлиэтин Дьокуускайга Главпочтамт ойоҕоһугар уурбута.

Ол гынан баран үгүс киһи маннык бэлиэ баарын билбэт этэ. Бу күннэргэ бу бэлиэ сирин уларытан, Орджоникидзе болуоссатыгар уурулунна.

Бу туһунан куорат мээрэ Евгений Григорьев: «Орджоникидзе болуоссатын өрөмүөнүн иитинэн «нулевой килэмиэтир» миэстэтин көһөрдүбүт. Хомойуох иһин, урут ууруллубут сиригэр алкомаркет, арыгы атыылыыр сир баар буолан, краеведтары, архитектордары кытары сүбэлэһэн баран, болуоссат ортотугар уурдубут», — диэн ТГ ханаалыгар иһитиннэрдэ.

“Нулевой килэмиэтир” диэн араас дойдуларга суол ырааҕын кээмэйдиир бэлиэ буолар.