ХААРТЫСКА: Омук устудьуоннара бастакытын муҥхалаатылар

М.К. Аммосов аатынан Хотугулуу-Илиҥҥи федеральнай университет омук устудьуоннара саха төрүт муус аннынан балыктааһыҥҥа – муҥхаҕа бастакытын кыттыыны ыллылар. Бу туһунан университет пресс-сулууспата иһитиннэрэр.

Кытайтан, Сирияттан уонна Казахстантан сылдьар 15 устудьуон Хаҥалас улууһугар олохтоох балыксыттар салайыыларынан ойбон алларарга, муҥха тэрилин туһанарга үөрэннилэр. Ону таһынан, кинилэр  бултаммыт сибиэһэй соботтон буһарыллыбыт миини амсайан көрдүлэр. Кыттааччылар кыһыҥҥы дьарык сүрдээх сэргэх эйгэлээҕин, саха норуотун култуурата уратытын уонна баайын бэлиэтээтилэр.