ХААРТЫСКА: Саһыл хороонун аттыгар

Нерюнгриттан суруналыыс Юрий Коковин айылҕа кэрэ көстүүлэрин хаартыскаҕа түһэрбитин кытта үллэһиннэ. Бу сырыыга кини объективыгар «хатаммыт»  саһыл ийэ оҕолорун кытта хороонун аттыгар кэтээн түһэрбит.

«Уралга Золото бөһүөлэк аттыгар Саһыл хайата диэн сир баара. Оҕо сылдьан мин ол хайа кистэлэҥнэрин арыйыахпын олус баҕарбытым эрээри, табыллыбатаҕа. Онон оҕо эрдэхпиттэн баҕа санаабын толордум», — диир Юрий Коковин.

Бу туһунан «Индустрия Севера» хаһыат суруйар.  Ол курдук, суруналыыс карьер аттыгар олохсуйбут саһыл кыыллар дьиэ кэргэнин түһэрдэ. Кыыллар хороонун аттыгар хайа тиэхиньикэтэ үлэлиир, тыас-уус элбэх. Аны ыйга биирдэ дэлби тэптэрии оҥоһуллар да, ол тухары бу кыыллар наадыйбаттар эбит.