ХААРТЫСКА: Сардааналаах кырдал урсунугар эһэ, саһыл уонна куобах

«Өлүөнэ очуостара» национальнай пааркатын Быдьанхайа баар диэн кэрэ айылҕалаах сиригэр устар камера ойуур кыылларын устар.

Бу күннэргэ «Өлүөнэ очуостара» национальнай паарка үлэһиттэрэ бу ураты харыстанар сиргэ, сардааналаах кырдалга кыыллар утуу-субуу сылдьан камераҕа уһуллубуттарын туһунан иһитиннэрдэ-көрдөрдө.

Бэс ыйын бүтүүтэ эдэр эһэ көстүбүт, ол кэннэ, сарсыныгар сарсыарда эрдэ түүлүү сылдьар саһыл үөмэн-чүөмэн ааспыт. Онтон от ыйын саҥатыгар куобах көстүбүт.

Бу түгэннэр барыта сайыммыт биир дьикти кэрэ бэлэҕэ – сир аайы хонууну, алааһы толору үүнэр сардаана сибэкки ситэн-хотон  турар кэмигэр бэлиэтэммиттэр.

Бу кэрэ ураты көстүүнү, каадырдары айылҕа харыстабылын ыстаарсай иниспиэктэрэ Василий Петров тиксэрбит.

#ленскиестолбы @lenapillarsnationalpark