ХААРТЫСКА: СӨ норуоттарын IX онньууларын сүрэхтэниитэ буолла

Киэҥ далааһыннаах күрэхтэһии 2027 сыл сайыныгар Ньурба улууһугар ыытыллыаҕа, онно номнуо көхтөөх бэлэмнэнии саҕаланна.

Санатан эттэххэ, оонньуулары ыытар быраап иһин Ньурба, Хаҥалас, Ленскэй, Алдан, Кэбээйи уонна Мэҥэ-Хаҥалас улуустара күрэстэспиттэрэ. СӨ Бырабыыталыстыбатын бэрэссэдээтэлин солбуйааччы Сергей Местников сүүмэрдээһин сүрүн төрүөттэрин ааттаталаата: «Быһаарыы тута ылыллыбатаҕа — хас биирдии сайаапканы болҕомтолоохтук үөрэтэн, ырыҥалаан көрбүппүт. Баҕалаах элбэх этэ, ол эрээри Ил Дархан Айсен Николаев уонна кэллиэгийэ Ньурба улууһугар тохтообуттара — социальнай-экэнэмиичэскэй сайдыы лидердэриттэн биирдэстэрэ, күүстээх бырамыысыланнастаах уонна тыа хаһаайыстыбалаах улуус. Манна успуорду уонна физкултуураны өрүү өйүүллэр, мантан Саха сирин чиэһин Бүтүн Арассыыйатааҕы уонна аан дойдутааҕы таһымҥа көмүскээбит үгүс күрэсчит тахсыбыта». Ньурба улууһун баһылыга Алексей Иннокентьев өрөспүүбүлүкэ салалтатыгар итэҕэйбиттэрин иһин махтанна, диэн Ньурба улууһун дьаһалтатын пресс-сулууспата суруйар.