ХААРТЫСКА: Сир аһа барахсан

Атырдьах ыйын ортото – сир аһын өлгөмнүк хомуйуу кэмэ. Сахабыт сиригэр-уотугар үүнэр сирбит астара иҥэмтэлээҕинэн, доруобуйаҕа туһалааҕынан биллэллэр. Дьааҥы, Бүлүү, Кэбээйи уонна Уус Алдан улуустарын сир асчыттара хаптаҕастаабыт, дьэдьэннээбит, моонньоҕоннообут хаартыскаларын ыыттылар.

Уус Алдан улууһун Өлтөх нэһилигин олохтооҕо Наталья Ивановна Охлопкова хаптаҕастыы сылдьан түспүт хаартыскатын ыытта.

Быйыл Бүлүү улууһун Тыымпытыгар хаптаҕас хойуутук үүммүт. 2,5 саастаах Айнара Петрова: “Ураа! Иһиппин толордум!”

Дьааҥы улууһун Арыылаах нэһилиэгин Даалҕаан учаастагыттан сэрии сылын оҕото Елена Христофоровна Слепцова “Быйылгы сайыммыт бэлэҕэ — дьэдьэн, хаптаҕас” диэн суруйан хаартыска ыытта.

Кэбээйи улууһун Сииттэ нэһилиэгиттэн Марианна, Иван Захаровтар оҕо иитэр ыал быйылгы быйаҥнарын хаартыскаларын ыыттылар.

«Тамалҕаннаах талахтаах Танда үрэх быйаҥа», — дииллэр Уус Алдантан Варвара, Иван Тордуяновтар.