ХААРТЫСКА: «Түһүлгэҕэ киирэн аас…»

Туймаада ыһыаҕын биир ыалдьыта: «Ыһыах биир интэриэһинэй түгэнэ улуустар түһүлгэлэрэ эбит! Барыларыгар киирэн уохтаах кымыс истим, арыылаах алаадьы амсайдым» —диэн саҥа аллайда.

Кырдьык, ыһыах аһыллыытын кэннэ дьон үксэ улуустар, тэрилтэлэр түһүлгэлэрин диэки хаамыста. Бу түһүлгэлэр бииртэн биир интэриэһинэйдэр, ураты ис хоһоонноохтор.

Барыларыгар алгыс сиэрэ-туома, кымыс үрдүн охторуу, эҕэрдэ, наҕараадалааһын, кэнсиэр уо.д. а. салҕанан барда. Биир дойдулаахтар түһүлгэлэригэр мустан, үөрүүгэ-көтүүгэ кыттыстылар, ахтылҕаннарын таһаардылар.