Хаартыска: социальнай ситимнэртэн
Бу күннэргэ Ньурба олохтооҕо, история учуутала Галина Копылова дьиэтигэр гранат диэн экзотическай фруктаны үүннэрбитин хаартыскалара социальнай ситимнэринэн тарҕанна.
«Миэхэ дьиэҕэ үүнэр гранат сиэмэтин бэлэхтээбиттэрэ. Ол кэмтэн ыла түннүкпэр олордон үүннэрэбин. Сайынын таһырдьа таһаарабын, оттон кыһын сөрүүн сиргэ түннүккэ туруорабын. Бу олох көрүүгэ-харайыыга тугу да ирдээбэт үүнээйи. Аһын амтана, мин санаабар, маҕаһыыҥҥа атыыланартан туох да уратыта суох. Сиэмэтэ тыллыбытын кэннэ 6 ыйынан астанар. Маннык кыра (карликовай) көрүҥүн араас суордара элбэх. Олору сакаастаан үүннэрэн көрбүтүм да, бэйэ-бэйэлэриттэн улахан уратылара суох эбит. Дьиэ граната – кыра үүнээйи, сиэмэтэ син биир кыра буолар. Арай биир кэллиэгэбэр бэйэтин саҕа кэриэтэ үүнэн тахсыбыт, ол эрээри аһа уруккутун курдук. Бу таһынан учаастакпар биэ эмиийин, хаптаҕаһы, уохтаны уо.д.а элбэҕи үүннэрэбин. Биэ эмиийэ уонна хаптаҕас үүнүүтэ үөрдэр, 10-13 лиитирэлээх биэдэрэни толору хомуйабын. Дьаабылака уонна вишня мастарым аҕыйах астаналлар», — диэн Галина Копылова кэпсиир. Ону таһынан Галина Тимофеевна Сардаана сибэккигэ маарынныыр Лилия сибэккилэрин хаартыскатын ыыппыт. Бу сибэккилэри кини үөрэнээччилэригэр көрдөрөөрү ааспыт кыһын олордубут.
Балаҕан ыйын биир сылаас киэһэтэ. Иркутскайга борук-сорук. Ангара өрүс сүдү аартык буолан доллоһуйа устар. Мин…
2025 сыл сэтинньитигэр бырааһынньык күннэринэн сибээстээн, оҕо босуобуйаларын уонна биэнсийэ төлөбүрдэрин болдьоҕо сыҕарыйыа, диэн «Известия»…
Эдьигээн улууһугар 51 саастаах эр киһи муус анныгар түһэн өлбүт. Кини өлүгүн алтынньы 16 күнүгэр,…
Алтынньы 16-18 күннэригэр Дьокуускайга саха анимациятын “TO:KU FEST” (“Тооку Фест”) үһүс бэстибээлэ ыытылла турар. Бастакы…
Томпо улууһун отделын дьуһуурунай чааһыгар ас-үөл маҕаһыынын бэрэстэбиитэлиттэн табаар уоруллубутун туһунан сайабылыанньа киирбит. Уопсай хоромньу …
2025 сылга Өрөспүүбүлүкэтээҕи 1 №-дээх балыыһа – Мэдиссиинэ Национальнай киинин Сүрэх-тымыр киинин Биир кэлим тэйиччиттэн…