ХААРТЫСКА: Вилюй уонна Яна лаппа улааппыттар

«Орто дойду» зоопарка үлэһиттэрэ социальнай ситимнэринэн игирэ үрүҥ эһэлэр Вилюй уонна Яна хаартыскаларын тарҕаттылар.

Тохсунньуга төрөөбүт Колымана уонна Ломоносов оҕолоро лаппа улааппыттар, уойбуттар.

«Ийэ үүтүн кытары иҥэринэр астара үрүҥ эһэ улаатыытын уонна сайдыытын хааччыйар. Кыһыҥҥы кэм уонна хаар үрүҥ эһэлэр айылҕаттан айыллыбыт эйгэлэрэ буолан туруктара үчүгэй. Интэриэһинэйэ диэн дьикти көстүүнэн Колымана оҕолоругар улахан мууһу тиистэринэн үлтүрүтэн бэлэмниир. Ити кэннэ мууһу эһэчээннэр үөрэ-көтө сииллэр. Арктика кыылларыгар итинник утаҕы хаҥатыы баар көстүү», — диэн зоопаркаҕа кэпсээтилэр.