ХААРТЫСКА: Үөһээ Бүлүүгэ ураты айылҕа көстүүтэ бэлиэтэннэ

Үөһээ Бүлүү оройуонугар ураты көстүү бэлиэтэннэ, диэн социальнай ситимнэринэн олохтоохтор хаартыскалары тарҕаттылар.

Сэдэх айылҕа көстүүтэ муус устар 1 күнүгэр киэһэтин бэлиэтэммитэ, ол күн тула барыта кубархай кыһыл өҥүнэн дьүһүннэммитэ, онтон күүстээх тыал түспүтэ, диэн быһаардылар.

Күн киириитэ тула барыта кубархай кыһыл өҥүнэн бүрүллүүтэ кылгас кэмҥэ айылҕа сэдэх көстүүтүнэн буолар. Маннык түгэн кэмигэр үксүн кыһын күн сардаҥата былыттаах кэмҥэ, хаар түһэр кэмигэр тыгар уонна тарҕанар диэн учуонайдар быһаараллар. Күн киириитэ уот сардаҥата кыһыл өҥнөөх буолан, мантан биир дьүһүнэ — кубархай кыһыл дьүһүннэнэн былыт аннынан тарҕанан сэдэх көстүүлэниэн сөп диэн суруйдулар.