ХААРТЫСКАЛАР: Антоновкаҕа муҥхаҕа сүүстэн тахса киһи сырытта

Ньурба улууһун Антоновка көхтөөх олохтоохторугар, ыалдьыттарыгар сэргэх өрөбүл ааста. Олохтоох дьаһалта, БОН, кулууп үлэһиттэрэ саха киһитин үгэһин үүнэр көлүөнэҕэ тиэрдэр сыаллаах улахан муҥхаһыттары кытары Бакамдаҕа муҥха тэрийдилэр. Бу туһунан «Октябрьскай нэһилиэк» МТ дьаһалтата  иһитиннэрдэ. 

«Кырдьаҕаһыттан оҕотугар тиийэ сүүстэн тахса киһи муҥхаҕа кытынна. Кытыан буруотугар ыраастанан,  оллооҥҥо түөрт араас миини буһаран, олохтоохтор бу күнү дуоһуйа атаардылар. Муҥханы көтүппэт да, бастакытын да сылдьар дьон үгүс. Үөрүү-көтүү аргыстаах муҥхаҕа Күөх Боллох матарбакка үс куул бэрсибитин оҕолорго түҥэтилиннэ», — диэн @oktyabrskiy_nas сырдатта.