ХААРТЫСКАЛАР: «Ас-үөл» дьаарбаҥкатыгар ынах арыыта — 1200 — 1500 солк.

Бүгүн «Ас-үөл-2025» өрөспүүбүлүкэтээҕи быыстапка-дьаарбаҥкаҕа Дьокуускай үгүс  олохтоохторо  ас-үөл атыылаһа, көрө-истэ кэлбиттэр.

Кэбээйи улууһун «Ворошилов» хаһаайыстыбата сибиэһэй сүөгэйинэн, сылаас баахыланан күндүлүүр. Эмиэ бу улуустан «Томтор» кэпэрэтиип быырпаҕа — 250 солк, ынаҕын арыыта — 1600 солк.
Мэҥэ Хаҥалас ынаҕын этэ 900 солк. (буута). «Оннооҕор ойоҕоһун итиччэ сыанаҕа атыылыыллар. Сарсын кэлэҕит дуо?»— дииллэр. Бу төҥүлүлэр эттэрэ эбит. Булгунньахтаахтар ынахтарын этэ 900-1200 солк. Хорообут убаһатын этэ — 1000-1500 солк.
Аатырбыт «Чурапчы» кэпэрэтиип ынаҕын арыытын киилэтин 1200 солк. атыылыыр. «Ап-араҕас дуо?» — диэн ыйыталлар атыылаһааччылар.