ХААРТЫСКАЛАР: Дьокуускайга Кириһиэнньэ сөтүөтүгэр 865 киһи кытынна

Дьокуускайга Күөх Хонуу аттыгар ыытыллыбыт Кириһиэнньэ сөтүөтүгэр 865 киһи кытынна.

Тохсунньу 18 күнүгэр Өлүөнэ өрүскэ оҥоһуллубут Кириһиэнньэ ойбонун Дьокуускайдааҕы, Ленскэйдээҕи епархия үлэһиттэрэ сибэтии гыммыттара. Бу кэнниттэн уу сибэтиэй буолар дииллэр. Сибэтиэй ууга умсаахтаабыт киһи аньыыта-харата сотуллар, ыраастанар диэн итэҕэйэллэр. Таҥара дьиэлэригэр баран, сибэтиэй ууну эмиэ ылыахха сөп.