ХААРТЫСКАЛАР: Дьокуускайга TO:KU FEST саҕаланна

Дьокуускай куоракка  оҕолорго, төрөппүттэргэ аналлаах  TO:KU FEST — сахалыы ойуулук түһүлгэтэ саҕаланна.

«Үлэ кыбартаала» креативнай кластерга  «Тооку» оҕо ханаалын ойуулук худуоһунньуктара оскуола үөрэнээччилэригэр маастар-кылаастары ыытыллар.

Сарсын, алтынньы 18 күнүгэр, «Дохсун» спорт уораҕайыгар улахан бырааһынньык буолуоҕа. Түһүлгэни түмүктүүр күн оҕолор уонна төрөппүттэр сынньалаҥнарыгар аналлаах. Ол курдук:
— Айар бөлөхтөр кэнсиэрдэрэ,
— Саҥа ойуулуктар сүрэхтэниилэрэ,
— Национальнай спорт араас көрүҥнэригэр, остуол оонньууларыгар уонна музыкальнай инструменнарга оонньуурга үөрэтэр маастар-кылаастар буолуохтара.
Түһүлгэ партнердара оҕолорго  көрдөөх уонна сайыннарар оонньуулары ыытыахтара.

Бэстибээлгэ кырачааннары уонна кинилэр төрөппүттэрин күүтэллэр. Киириитэ босхо.