Хаартыска: Чэмэлиинэ Скрябина тиксэриитэ.
Соторутааҕыта Кытай Харбин куоратыгар Норуоттар икки ардыларынааҕы муус уонна хаар оҥоһуктар күрэхтэһиилэрэ үгэс быһыытынан 37-с төгүлүн үрдүк таһымҥа ыытылынна.
Манна аан дойду араас муннугуттан 39 хамаанда кэлэн, бэйэлэрин дьоҕурдарын көрдөрөн бастыыр иһин күрэхтэспиттэрэ. Саха сириттэн мууска иккилии киһилээх үс хамаанда кыттыбыта. Күрэхтэһии түмүгүнэн дьүүллүүр сүбэ Архип Скрябин, Николай Петров састааптаах хамаандаҕа иккис бириистээх миэстэни анаабыта, оттон Максим Охлопков, Айсен Габышев үһүс миэстэҕэ тахсары ситиспиттэрэ.
Салгыы хаар оҥоһуктар күрэхтэһиилэрэ буолбута, манна түөртүү киһилээх 26 хамаанда кыттыбыта. Арассыыйа, Индия, Индонезия, Корея, Испания, Кытай, Австралия, Италия, Грузия, Польша уонна да атын араас дойдулар маастардара 3 миэтэрэ туоралаах, усталаах, 3 миэтирэ үрдүктээх чиҥ буолбут хаартан араас оҥоһуктары оҥорбуттара. Бу сырыыга Саха сирин хамаандата үһүс миэстэни ылары ситиспитэ, хамаандаҕа Николай Петров, Аина Петрова, Архип Скрябин, Надежда Скрябина бааллара.
Аан дойду таһымнаах күрэхтэһиигэ саха маастардарын илиилэрин оһуора уонна айар дьоҕура барыларын сөхтөрбүтэ.
Саха маастардарын үлэтэ манан эрэ муҥурдаммат. Ааспыт сыл бүтүүтэ Харбиҥҥа муус куораты оҥорууга Саха сириттэн Архип Скрябин (Мэҥэ Хаҥалас, Майа) уонна Николай Петров (Дьокуускай) кыттыбыттара. Манна аан дойдуттан 16 муус маастарын түмэн, 28 миэтирэ уһуннаах, 6 миэтирэ үрдүктээх 8 муус аты уонна хас даҕаны орто кээмэйдээх муус оҥоһуктары оҥорторон муус куораты ситэрэн-хоторон биэрбиттэр.
Биир дойдулаахтарбыт аан дойду ааттаахтарын кытта тэҥҥэ күрэхтэһэ, баалларын биллэрэ сылдьалларыттан үөрэбит.
Чэмэлиинэ Скрябина.
«Олох инфраструктурата» нацбырайыак олоххо киириитинэн, 2025 сылга Саха сиригэр эрэгийиэннээҕи уонна нэһилиэктэр икки ардыларынааҕы суолларга…
Алдан куорат олохтооҕо интэриниэт ситимигэр экстремистскэй дьайыыны оҥорорго анаан-минээн ыҥырыылары таһаарбытын уонна тарҕаппытын иһин сууттанна.…
Чэппиэргэ, тохсунньу 22 күнүгэр, Дьокуускайга 48 VolgaBus мааркалаах оптуобуһу аҕаллылар. СӨ Ил Дархана Айсен Николаев…
СӨ Ил Дархана Айсен Николаев Амма улууһугар оробуочай сырыытын кэмигэр мас-рестлинг спортивнай саалатыгар сылдьан, бу…
Тохсунньу 22 күнүгэр Дьокуускай куоракка Үөһээ Бүлүүгэ ураты суолталаах бэлиэ түгэн үүннэ — Үөһээ Бүлүү…
Борис Федорович Неустроев-Мандар Уус 80 сааһын туолбутунан, АЛРОСА хампаанньа Накыын руднигыттан хостоммут 51,39 карааттаах бөдөҥ…