Ульяна Захарова хаартыскаҕа түһэриитэ
SakhaDay сайт иһитиннэрбитинэн, муус устар 12 күнүгэр, Дьокуускайга Богдан Чижик уулуссатын 20 №-дээх дьиэ кырыыһатыттан хаар түһэрэр кэмҥэ оҕо эчэйбитин туһунан суруйбуттар. «Арсенал плюс» диэн салайар хампаанньа сантехнига хаар түһэрэ сылдьыбыт.
Ити кэмҥэ оҕо дьиэтиттэн тахсан тротуар устун хааман истэҕинэ, кини үрдүгэр хаар түспүт. Ол түмүгэр оҕо эчэйии ылан, суһаллык мэдиссиинэ киинигэр көрдөрө барбыт. Оҕо ийэтэ иһитиннэрбитинэн, салайар хампаанньа үлэһитэ итирик туруктаах эбит. Ону таһынан хаар түһэрии туһунан туох даҕаны сэрэтэр суруга, дьиэ тулатыгар лиэнтэнэн күрүөлээбэккэ үлэни саҕалаабыттар.
Бу туһунан оҕо ийэтэ Олеся маннык иһитиннэрбит:
— Оҕом ханна даҕаны хатаастан, көҥүлэ суох сиргэ киирэн эчэйии ылбатах. Кини дьиэтин аттынан тротуар устун хааман испит. Уолум дьиэтигэр киирбитигэр, мин сүрэҕим хамсаабыта. Бэргэһэтэ, таҥаһа-саба барыта хаан этэ. Мэдиссиинэ киинигэр тиийбиппитигэр оҕом кэтэҕэр түөрт тигиини оҥорбуттара. Бастакы түүн олус ыарахан этэ, оҕом сыттыкка сытарыгар эрэй бөҕөтүн көрбүтэ. Салайар хампаанньаны кытта аҕабыт кэпсэтэ сылдьыбыта. Оҕобут эчэйбитин кэнниттэн биирдэ эрэ салайар хампаанньа дьиэ тула сэрэтэр бэлиэлэри ыйаабыта. Оҕом эчэйэр күнүгэр туох даҕаны сэрэтэр бэлиэ суоҕа.
Быһылаан кэнниттэн бүгүн, муус устар 17 күнүгэр, «Арсенал плюс» салайар хампаанньа буолбут быһыыга-майгы маннык хоруйу биэрбиттэр:
-Хаары биһиги салайар хампаанньабыт сантехнига түһэрбитэ. Быйыл олус элбэх хаар түһэн, дьиэ таһын харбыыр үлэһиттэрбит ардыгар бириэмэлэрэ тиийбэт буолан, сантехнигы бу үлэҕэ үлэлэппиппит. Сантехник үлэтигэр тахсарыгар арыгы испэтэх этэ, эбиэккэ диэри хайдах итирэ охсубутун билбэппит. Кини болҕомтото суох буолан оҕо ааһан иһэрин көрбөтөх. Оҕо эчэйиилээх быһылаан тахсарын кытта, кини уурайар туһунан сайабылыанньаны бэйэтин баҕа өттүнэн суруйбута, — диэбиттэр.
Быйыл хаһааҥҥытааҕар даҕаны элбэх хаар түһэн, сорох элбэх кыбартыыралаах дьиэлэртэн аҕыйах хонуктааҕыга диэри хаары түһэрии үлэтэ ыытылла турдаҕа.
Госавтоиниспиэксийэ иһитиннэрэринэн, ахсынньы 11 күнүгэр 18:30 ч. Өлүөхүмэ куоракка 2 нүөмэрдээх оскуола чугаһыгар сатыы дьон…
Бүгүн, ахсынньы 13 күнүгэр, өрөспүүбүлүкэ соҕуруу, соҕуруулуу-арҕаа, хотугулуу-илин өттүгэр кыралаан хаардыаҕа. Киин, арҕаа оройуоннарга туманнаах,…
Бүгүн Субуота – Сатурн планета салайар күнэ. Ыксалга эбэтэр чаҕылхай көрсүһүүлэргэ анамматах күн. Сатурн биһигиттэн…
Бүгүн, ахсынньы 12 күнүгэр, 202-с түөлбэҕэ саҥа элбэх функциялаах ыччат "Патриот" киинигэр өрөспүүбүлүкэ ыччатын түмүктүүр…
Саха сирин үөрэҕин систиэмэтигэр суолталаах тэрээһинэн буолбут “Сыл учуутала” өрөспүүбүлүкэтээҕи 34-с төгүлүн ыытыллар күөн күрэс…
1941-45 сыллардааҕы Аҕа дойду сэриитигэр Сэбиэскэй норуот кыайыытынан түмүктэммитэ 80 сылынан, Арассыыйаҕа Аҕа дойдуну көмүскээччитин,…