Хаартыска: Денис Попов
Бэс ыйын 28 күнүгэр, Саха национальнай бэчээтин күнүн көрсө “Сахамедиа” холдинг тэрээһининэн уонна үбүлээһининэн Иван Ксенофонтов-Силиги хомуйан таһаарбыт “Хаарыан дьоннор, хаһыатчыттар” диэн саха бэчээтин, суруналыыстыкатын устуоруйатын, сайдан кэлбит кэмин, инники дьылҕатын сырдатар кинигэ сүрэхтэниитэ буолла.
Кинигэ сүрэхтэниитигэр өрөспүүбүлүкэ бэчээтин эйгэтигэр үлэлээбит уонна күн бүгүн үлэлии сылдьар суруналыыстар, салайааччылар, эрэдээктэрдэр уонна, биллэн турар, кинигэҕэ киирбит дьоруойдар муһуннулар.
Кинигэ ааптарын уонна айар кэлэктииби “Сахамедиа” холдинг генеральнай дириэктэрин солбуйааччы Чокуур Гаврильев, СӨ Суруналыыстарын сойууһун бэрэссэдэтээлин солбуйааччы Галина Бочкарева, СӨ норуодунай суруйааччыта Семен Попов-Сэмэн Тумат, суруйааччылар Евдокия Иринцеева-Огдо, Олег Сидоров-Амгин, сурунылыыстыка аксакаллара Николай Крылов, Петр Попов, Василий Никифоров, суруналыыстар Алексей Матвеев, Татьяна Жиркова, Владимир Степанов уо.д.а. эҕэрдэлээтилэр.
Эҕэрдэ тылы эппит дьон саҥа тахсыбыт кинигэ саха суруналыыстыкатын, национальнай бэчээт хас эмэ уонунан сыллааҕы олоҕун сиэркилэтинэн буоларын, суруналыыстыка сайдыытын эдэр көлүөнэҕэ билиһиннэрэр, ситим быстыбатыгар көлүөнэни ситимниир аналлааҕын, улуустарга араас кэмнэргэ үлэлээбит суруналыыстар умнууга хаалбакка, кинигэҕэ үйэтиллибиттэрэ улахан суолтаалааҕын уонна маннык дьоһун кинигэ салҕыыта бэчээттэниэн сөбүн бэлиэтээн эттилэр.
“Биһиги саха бэчээтэ саҕаланыаҕыттан күн бүгүҥҥэ диэри устуоруйатын, сайдыытын уонна кыһалҕаларын туһунан суруйдубут. Манна өрөспүүбүлүкэ бастакы суруналыыстарын уонна бэтэрээннэрин тустарынан араас кэмҥэ суруллубут очеркалар, ыстатыйалар киллэрилиннилэр. Маннык кинигэ күн сирин көрүөхтээҕин туһунан хас эмэ сыллар устата иитиэхтээн, элбэх матырыйаал хомуллан, айар кэлэктиибим, салалтабыт өйөбүлүнэн таҕыста”, — диэн “Саха сирэ” хаһыат суруналыыһа, РФ Суруналыыстарын сойууһун чилиэнэ, 40-ча сыл бэчээт эйгэтигэр идэтийэн үлэлии сылдьар, суруналыыстыка салаатыгар В.В.Никифоров-Күлүмнүүр аатынан бириэмийэ лауерата Иван Иванович Ксенофонтов-Силиги санаатын үллэһиннэ.
(Анивера АКИМОВА видеоҕа устуута)
Тимир болгуону уһаарар түһүлгэлэригэр дьахталлары киллэрбэттэр эбит. Онон саха тимир уустара тимир болгуону уһааран таһаарар…
Бу чааска Ил Дархан Айсен Николаев Нерюнгригэ ыытылла турар Олоҥхо ыһыаҕар саха уустарын кытта тимир…
От ыйын 1 күнүгэр Бүлүү оройуоннааҕы суута кафе-бар үлэтин 30 хонукка тохтотор туһунан уурааҕы таһаарда. …
Бу эбийиэктэр “Үтүө дьыала хамсааһын” уонна “СӨ култуураны сайыннарыы” судаарыстыбаннай бырагыраама чэрчилэринэн киириэхтэрэ. Дьааҥы улууһун…
Бу күннэргэ социальнай ситимҥэ Дьокуускай куоракка Можайскай уулуссаҕа биир эр киһи массыыналаах киһини охсуталыыр видеота…
Ис дьыала министиэристибэтин Чурапчытааҕы дьуһуурунай чааһыгар маҕаһыын хаһаайыныттан сайабылыанньа киирбит. Ол курдук маҕаһыыныттан 77 000 …