Хабаровскай кыраайга бэйдиэ сылдьар ыттартан дьахтар суорума суолланна

Хабаровскай кыраай Ванинскай оройуонун Октябрьскай бөһүөлэгэр 68 саастаах дьахтар өлбүтүн дьиэтин таһыттан булбуттар. 

Дьахтарга ыттар саба түһэн суорума суоллаабыттарын «Комсомольская правда»- Хабаровск» суруйар. Сабаҕалааһын быһыытынан, саба түспүт ыттар хаһаайкалара биллэр. Бу быһылаанынан холуобунай дьыала тэриллибит.

Бэлиэтээн суруйдахха, Дьокуускай кытыы уулуссаларыгар,  бэйдиэ сылдьар ыттар көҥүл-босхо сылдьар түгэннэрэ бэлиэтэнэр.