Хабаровскайга «Амур» ыччат пуорума саҕаланна

Атырдьах ыйын 16 күнүттэн Хабаровскайга «Амур» ыччат Бүтүн Арассыыйатааҕы пуорума саҕаланна. Тэрээһин Хабаровскай кыраай губернатора Михаил Дегтярев уонна Росмолодежь салайааччыта Ксения Разуваева өйөбүллэринэн ыытыллар. Барыта 550 ыччат Арассыыйа 88 эрэгийиэниттэн кытта сылдьар.

Пуорум атырдьах ыйын 22 күнүгэр диэри ыытыллыаҕа. Ыччаттар «Добро пожаловать домой», «Развитие малых городов» уонна «Если быть, то быть первым» хайысхаларынан арахсан үлэлиэхтэрэ.

Итиэннэ кыттааччылар атырдьах ыйын 19 күнүгэр «Город-на-Амуре» олохтоохторунан буолуохтара. Манна оруоллары үллэстэн, пуорум үлэтин быһаарсыахтара.