Хабаровскайга Хаһаак ыччатын сойууһун учредительнэй сүлүөтэ буолла

Тэрээһин хаһаак ыччатын, үөрэх тэрилтэлэрин, былаас уорганнарын бэрэстэбиитэллэрин, Уһук Илин федеральнай уокурук аҕыс эрэгийиэнин атамааннарын уонна хаһаактарын түмтэ. Уопсайа 700 киһи кытынна.

“Сүлүөт “Буойун” Байыаннай-спортивнай бэлэмнэнии киинин хабаровскайдааҕы филиалын баазатыгар буолла. Манна оҕолорго уоту аһар, тактическай, инженернэй бэлэмнээх буолууну, сибээһи тутан олорууну, БПЛА уонна тактическай мэдиссиинэ төрүттэрин билиһиннэрдилэр”, — диэн иһитиннэрдилэр тэрийээччилэр.

Бүтүн Арассыыйатааҕы хаһаак сэрииһиттэрин атамаанын солбуйааччы, сэрии атамаана уонна бочуоттаах ыалдьыттар УИУо-гар хаһаак буолууну сайыннарыыга Хаһаак ыччатын сойууһун тэрийии олус наадалааҕын кичэйэн бэлиэтээтилэр.

Сүлүөт улаатан эрэр көлүөнэлэри түмпүт эрэ буолбатах, өссө уһук илиҥҥи хаһаактааһыны сайыннарыыга тирэх буолла.