Уһук Илин федеральнай уокуругар Саха Өрөспүүбүлүкэтин Бастайааннай бэрэстэбиитэлистибэтин хаартыската.
Бу ааспыт өрөбүл күннэргэ Хабаровскайга уонна Владивостокка Хабаровскай кыраай госпиталларыгар уонна санчаастарыгар эмтэнэ, доруобуйаларын чөлүгэр түһэрэ сылдьар байыаннай сулууспалаахтарга гуманитарнай көмөнү тиэртилэр.
Таһаҕаһы #МЫВМЕСТЕ Бүтүн Арассыыйатааҕы аахсыйа эрэгийиэннээҕи штаба уонна “Саха сирэ эйигинниин!” өрөспүүбүлүкэтээҕи уопсастыбаннай хамсааһын хомуйан, ыыттылар. Гуманитарнай таһаҕаһы хомуйар пууҥҥа бэлиэтииллэринэн, Саха сирин олохтоохторо, тэрилтэлэрэ уонна биисинэһинэн дьарыктанааччылар көмөлөстүлэр.
Саха сирин Уһук Илин ФУо бастайааннай бэрэстэбиитэлэ Ким Борисов этэринэн, бу Саха сирин волонтердара быстах хомуурга ыҥырыллыбыт байыаннай сулууспалаахтарга Хабаровскайга уонна Владивостокка ыытар бастакы таһаҕастара буолбатах.
“Бастайааннай бэрэстэбиитэлистибэҕэ Уһук Илин госпиталларыгар эмтэнэр байыастарга эргиччи көмө быыстала суох ыытыллар. Бүгүн байыаннай сулууспалаахтарга наадалаах сайаапканан хомуллан, ыытыллыбыт гуманитарнай улахан таһаҕаһы туттубут. Байыастарга көмөнү тиэрдиини УҺук Илин ФУо Бастайааннай бэрэстэбиитэлистибэтин үлэһиттэрэ уонна “Волонтеры Саха” на Дальнем Востоке” хамсааһын актыбыыстара дьаһайыахтара”, — диэтэ Ким Борисов.
Өрөспүүбүлүкэттэн быстах хомуурга ыҥырыллыбыттарга гуманитарнай көмөнү хомуйар-наардыыр пуун Орджоникидзе уулусса 10-с нүөмэригэр, 2-с этээскэ баар. #МЫВМЕСТЕ эрэгийиэннээҕи штабка күн аайы 10:00 чаастан 18:00 диэри эмп-том, бородуукта, гигиена тэрилэ уонна атын да мал-сал тутуллар.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата.
Мукучу нэһилиэгэр Айыыһыт ыйын баттаһа муус устар 19 күнүгэр байыаннай дьайыы кыттыылаахтарыгар уонна кинилэр дьиэ…
Саха сиригэр уон сылга биирдэ ыытыллар физкултуураҕа Бүтүн Арассыыйатааҕы олимпиада түмүктүүр түһүмэҕин көрөөрү “Өрөгөй” спортсменнары…
Иһинэн-таһынан, дьалкытан, элбэх ууну кутартан буорга баар сибэккигэ олус наадалаах битэмииннэр, иҥэмтэлээх эттиктэр суураллаллар. Көһүйэ…
Бүлүү умнаһынааҕы улуустарга балаһыанньа хайдаҕый? СӨ Тыатын хаһаайыстыбатын уонна ас-үөл бэлиитикэтин министиэристибэтэ “СӨ муниципальнай…
Бүгүн, муус устар 20 күнүгэр, "Саха" ГТРК "Вместе с Айсеном Николаевым" биэриини 19:00 ч. көрдөрүөхтэрэ.…
Бу күннэргэ Өлүөнэ Эбэҕэ үлэ саамай суолталаах уонна көдьүүстээх көрүҥэ –мууһу эрбээһин уонна хараардыы ыытылла…