Хабаровскайтан Дьокуускайга уонна Нерюнгрига диэри рейс ахсаана элбээтэ

«Автор» авиахампаанньа Хабаровскайтан Дьокуускайга уонна Нерюнгрига сайыҥҥы расписание бүтүөр диэри социальнай суолталаах маршруттарынан рейс ахсаанын улаатыннарда.

Хабаровскайтан Дьокуускайга диэри нэдиэлэ устата алта рейскэ диэри ахсаана элбэтилиннэ. Экономнай кылаас тарыыба 5500 солкуобайтан саҕаланар. Оттон Нерюнгрига нэдиэлэҕэ түөрт рейс оҥоһуллуоҕа. Экономнай кылаас тарыыба биир хайысхаҕа 3400 солк. саҕаланар. Бу таарыптарга миэстэ ахсаана хааччахтаммыт. Бу социальнай суолталаах рейстэр Уһук Илин бары субъектарынан тырааныспар кыаҕын үрдэтэр сыалтан дойду Бэрэсидьиэнэ Владимир Путин сорудаҕынан тэрилиннэ.