Хабылыкка, хаамыскаҕа үөрэтиэхтэрэ

Москваҕа «Арассыыйа» норуоттар икки ардыларынааҕы быыстапкаҕа мас тардыһыытыгар, хабылыкка уонна хаамыскаҕа маастар-кылаастар ыытыллаллара былааннанар.

75 №- дээх павильоҥҥа ыалдьыттарга уонна быыстапканы көрөөччүлэргэ анаан, успуорт национальнай көрүҥнэригэр маастар-кылаастар ыытыллыахтара. Бу туһунан СӨ Успуорт министиэристибэтин пресс-сулууспата иһитиннэрдэ.

Ким баҕалаах мас-рестлиҥҥэ бэйэтин күүһүн холонон көрүөн, хабылыкка уонна хаамыскаҕа үөрэниэн сөп.

«Арассыыйа» быыстапка-пуорум РФ Бэрэсидьиэнэ Владимир Путин сорудаҕынан 2023 сыл сэтинньи 4 күнүттэн 2024 сыл муус устар 12 күнүгэр диэри ыытыллар. Сыала- соруга — Федерация субъектарын сайдыыларын үтүө уопутун, дойду дьоһун ситиһиитин  көрдөрүү буолар.

Сэтинньи 12  күнүгэр быыстапка иитинэн Саха Өрөспүүбүлүкэтин күнэ ыытыллар. Норуот хаһаайыстыбатын ситиһиитин быыстапкатыгар (ВДНХ) 75 № -дээх павильоҥҥа эрэгийиэҥҥэ анаммыт далааһыннаах тэрээһиҥҥэ ыалдьыттар мустуохтара. Манна дьаарбаҥка бэртээхэйэ, ас-үөл дегустацията буолуоҕа.