Сайаана Львова хаартыската
Кэнники кэмҥэ дьон арыгы буортутун, содулун өйдөөн нэһилиэгинэн быһаарыы ылынан аккаастанар буолла. Бу күннэргэ Хаҥалас улууһун Хачыкаат нэһилиэгэр арыгы бородууксуйатын атыылааһыҥҥа толору бобууну киллэрэр туһунан быһаардылар.
Маныаха сөптөөх сокуон барыла Ил Түмэҥҥэ сэтинньи 14 күнүгэр киирдэ. Нэһилиэнньэ туруорсуутунан чөл олоҕу тутуһар сыалтан итинник быһаарыныыны ылыналлар.
Хачыкаат нэһилиэгэ 19 үйэ саҕаланыытыгар төрүттэммитэ уонна билиҥҥи дааннайынан 808 киһи олорор. Мантан 7 км сиргэ Кыһыл Үрүйэ сэлиэнньэтэ баар. Бу нэһилиэк чугаһыгар ЮНЕСКО Аан дойдутааҕы нэһилиэстибэтин испииһэгэр киирбит «Өлүөнэ очуостара» айылҕа национальнай паарката, Булуус муус аппа, Буотама үрэх, бизоннар питомниктара, Күрүлүүр күрүлгэн, Турук хайа бааллар. Онон сайыҥҥы өттүгэр үгүс элбэх киһи сылдьар сиригэр кубулуйар.
Олохтоох дьаһалта сокуонунан нэһилиэккэ арыгы атыытыттан толору босхоломмут сиринэн биллэрэр бырааптаах. Хачыкаат нэһилиэгин баһылыга Ирина Оболкина бу курдук кэпсиир:
— Биһиги икки нэһилиэктээхпит, онтон бииригэр, Кыһыл Үрүйэҕэ итирдэр утаҕы атыылааһын бобуллубута ыраатта. Онтон быйыл нэһилиэк олохтоохторун баҕаларынан, арыгыны толору бобууну киллэриэххэ диэн быһаарылынна. Биһиэхэ маҕаһыыннарбытыгар маҕаһыыннаах урбаанньыттарбыт арыгыны, пиибэни атыылыыртан аккаастаммыттара ыраатта. Арыгыттан босхолонуу. Чөл олоҕу тутуу инникитин наадалааҕын өйдөөн ылынныбыт. 10-ча сыллааҕыта арыгы маҕаһыыҥҥа атыыланар этэ, кэлиҥҥи сылларга урбаанньыттарбыт бэйэлэрэ аккаастаммыттара. Инникитин үүнэр көлүөнэбит арыгыттан аккаастанан, чөл олоҕу өрө тутан, олохпут тупсуо, чэчириэ дии саныыбын.
Саха Өрөспүүбүлүкэтин норуодунай артыыһа Алексей Павлов салайар Үүнэр Көлүөнэ тыйаатыра Михаил Шолохов "Киһи дьылҕата" диэн…
Өлүөнэ муостатын инфраструктуратын элэмиэннэрин тутуу салҕанар. Халлаан төһө да тымныйдар, кыһыҥҥы өттүнээҕи үлэ технолгическай уратыны…
Режиссер Дмитрий Давыдов "Прозрачные земли" диэн ааттаах саҥа киинэтэ тахсаары турарын туһунан "Сахафильм" киинэ хампаанньатын…
Саха сиригэр доруобуйа харыстабылын бастакы сүһүөх звенотун модернизациялааһын бырагырааматыгар саҥа эбийиэктэри (биэлсэр-акушер пууннарын, быраас амбулаторияларын)…
Мииринэйдээҕи ИДьМ дьуһуурунай чааһыгар Светлай бөһүөлэгин олохтооҕо дьахтар тэлэбиисэрин уордарбытын туһунан иһитиннэрбит. Хоромньу 10 тыһ.солк.…
«Куорат тутуутун бэлиитикэтэ, нэһилиэнньэ олоҕор-дьаһаҕар табыгастаах эйгэни хааччыйыы уонна олорор дьиэ-хомунаалынай хаһаайыстыбаны сайыннарыы» номинацияҕа «Бастыҥ…