Хачыкаакка оҕолор сүһүрбүттэринэн бэрэбиэркэ саҕаланна

Хаҥалас улууһун Хачыкаатыгар оҕолор сүһүрэн балыыһаҕа киирбиттэринэн силиэдэбэтэллэр бэрэбиэркэни саҕалаатылар. Бу туһунан СӨ Силиэстийэлиир кэмитиэтэ иһитиннэрэр.

«РФ холуобунай кодексын 238 ыст. 2 ч. «б» пуунунан (оказание услуг, предназначенных для детей в возрасте до шести лет, не отвечающих требованиям безопасности) көрүллэр буруйу кэһиинэн процессуальнай бэрэбиэркэ саҕаланна», — диэн иһитиннэриигэ суруллар.

Биэдэмистибэҕэ чуолкайдаабыттарынан, биэс оҕо ыалдьан балыыһаҕа киирбит. Кинилэр доруобуйаларын туругар уонна олохторугар куттал суоһаабат. Өссө икки оҕо тастан эмтэнэр.

Бэрэбиэркэ иитинэн туох буолбутун сиһилии быһаарар эспиэртиир чинчийиилэр ананнылар.