Хачыкаакка сүһүрбүт сэттэ оҕону балыыһаҕа киллэрдилэр

Хаҥалас улууһугар Хачыкаакка сүһүрбүт сэттэ оҕону балыыһаҕа киллэрбиттэр. Бу туһунан СИА суруйар.

«Оҕолорго мэдиссиинэ көмөтө оҥоһуллар. Атын оҕолор мэдиссиинэ кэтээн көрүүтүгэр сылдьаллар», — диэн СӨ Доруобуйа харыстабылын министиэристибэтигэр иһитиннэрбиттэр.

Эрдэ бу туһунан суруйуубутугар оскуолаҕа киириэн иннинээҕи саастаах оҕолор сүһүрбүттэрин туһунан суруйбуппут. Оҕолор сүһүрүүлэринэн улуус борокуратуурата бэрэбиэркэ ыытар.