Хаартыска -- Тамара Никифорова тиксэриитэ.
Бэҕэһээ, ыам ыйын 26 күнүгэр, Хаҥалас улууһун Хачыкаатыгар ураты ис хоһоонноох уонна көстүүлээх тэрээһин буолла.
Бу туһунан Өктөм олохтооҕо Тамара Никифорова маннык сырдатта:
— Дьиэ кэргэн уонна Оҕо сылларыгар анаммыт быйылгы үөрэх дьылын түмүгүн оскуола үөрэнээччилэрэ Оҕо ыһыаҕынан бэлиэтээтилэр. Биир сонун сүүрээнинэн «Дьаралыйа Дьарылыатта Бухатыыр» олоҥхоттон быһа тардан көрдөрүү буолла.
Театрализованнай көстүү туруорааччы- режиссера — эдэр учуутал Дайаана Касенова. Оҕолор толоруулара да, көстүүмнэрэ да — туйгун! Тэрээһин оһуохайынан түмүктэннэ. Оскуола оҕолорун ыһыаҕа уонна кинилэр Олоҥхоттон быһа тардан көрдөрбүт дьүһүйүүлэрэ Хачыкаат олохтооҕун барытын түмтэ. 80 үөрэнээччилээх оскуолаҕа араас омук оҕолоро үөрэнэллэр. Оскуола оҕото барыта уонна кинилэр төрөппүттэрэ сахалыы таҥнан кэлбиттэр.
Оскуола сыллааҕы түмүгүн «Учууталлар учууталлара» бэлиэ хаһаайката, РФ үөрэҕириитин туйгуна, РФ орто үөрэхтээһинин бочуоттаах үлэһитэ, Ханалас улууһун уонна Хачыкаат нэһилиэгин бочуоттаах олохтооҕо, оскуола дириэктэрэ Галина Федорова билиһиннэрдэ. Бу күн үөрэх туйгуннара бэлиэтэннилэр.
Үҥкүү-битии битийдэ, элбэх хоһоон ааҕылынна, үтүмэн ырыа ылланна, успуорт араас көрүҥнэригэр куоталаһыы бастыҥа буолла.
Кэнсиэри, дьоро тэрээһини оскуола дириэктэрин иитэр үлэҕэ солбуйааччы Юлия Киприянова, Маргарита Кирикова, Дайаана Касенова иилээн ыыттылар.
Оҕолор бу курдук төрөөбүт култуураларын, фольклордарын өрө көтөҕөн, үөрэх дьылын түмүктээбиттэрин тэрээһиҥҥэ сылдьыбыт дьон олус сонуннук уонна бэрт иһирэхтик ылынныбыт. Оҕо төрөөбүт тылынан сайа саҥарарыттан, этэриттэн-тыынарыттн күндү суох.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…