Хаһааччыйалар оскуоланы бүтэрбиттэрэ 50 сыллара

Арай ааһан иһэн көрбүтүм, лиэнтэни иилии эриммит «КСШ» диэн суруктаах, бары тэҥ футболкалаах дьон хаартыскаҕа түһэ туралларыгар түбэстим. Ыйыппыппар миигин кытта Елена Кузнецова кэпсэттэ:

— Биһиги Усуйаана оройуонун Хаһааччыйа бөһүөлэгин орто оскуолатын 1974 сыллаахха бүтэрбиппит. Кылааһынан көрсүһүүгэ дойдубутуттан алта оҕо кэлбитэ, үгүстэр Дьокуускайга олороллор. Төһө кыалларынан көрсө сатыыбыт. Быйыл саас оскуолабыт 150 сыла буолбута. Бэс ыйын 27 күнүгэр «Орто дойдуга» «Золотой выпуск» диэн улахан сүлүөт буолуохтаах. Биһиги кылаас онно кыттабыт.