Хаһаайкаҕа туһалаах сүбэлэр

Хаһаайкаҕа туһалаах маннык судургу сүбэлэри биэрэллэр.

• Кофе чааскы иһин хараардар. Онуоха тууһу уонна суоданы иһит сууйар убаҕаска булкуйан баран сууйан көр.
• Уруучука суола таҥаска иҥэн хаалар кутталлаах. Онон суоданы уонна уксууһу холбоон ньамайдаммыт сирин аал уонна сууйа оҕус.
• Илиигэр суперкилиэй сыһыннаҕына, маргаринынан сот. Аҕыйах мүнүүтэ кэтэс уонна сууйан кэбис.
• Сайын киһи көлөһүнүттэн маҥан таҥас саһарар. Онуоха биир ыст. уксууһу, 1/2  ыстакаан суоданы, 1  кыра ньуоска тууһу уонна 1  кыра ньуоска «водород перекиһин» холбоон булкуй. Баатаны уган ыл уонна саһарбыт сирин аал. Хас да чаас таҥаскын сытыара түс онтон сууй.

Саха ыалын халандаарыттан,

«Айар», 2023 с.