Хаһаайыннаах ыттары бэрэбиэркэлииллэр

Cоторутааҕыта СӨ Бэтэринээрийэҕэ департаменын иниспиэктэрдэрэ, олохтоох бэйэни салайыныы уорганнара уонна административнай хамыыһыйа үлэһиттэрэ кыттыылаах хаһаайыннаах ыттары хонтуруоллааһыҥҥа уопсайа 26 рейдэ оҥоһуллубут.

Ол курдук маннык рейдэлэр өрөспүүбүлүкэ үрдүнэн Горнай, Өлүөхүмэ, Мэҥэ Хаҥалас, Алдан оройуоннарыгар, Дьокуускай куоракка уонна Жатай бөһүөлэгэр ыытылыннылар. Нэдиэлэ устата тустаах үлэһиттэр СӨ кодексатын 5.4 ыстатыйатынан  21 уурааҕы таһаардылар. Уопсайа 16000 солкуобайга ыттаах хаһаайыннары ыстырааптаатылар. Ону таһынан сэттэ киһиэхэ сэрэтии биэрдилэр. Административнай эппиэтинэскэ тардыллыы сүрүн биричиинэтэ ыты бэйдиэ ыытыы буолар.