Хаартыска Дьокуускай куорат дьаһалтатын пресс-сулууспатыттан
Быйыл хаһааҥҥытааҕар да элбэх хаары тастылар.
Дьокуускай куорат уулуссаларыттан, барыллаан 800 тыһ. куб хаар таһылынна диэн иһитиннэрэллэр.
Бу иннинээҕи сылларга 350-400 тыһ. куб тиэллэрэ диэн СИА суруллар. Билигин хаары тиэйиигэ уонна ууну оботторууга күүстээх үлэ ыытыллар. Бу туһунан брифиҥҥэ куорат баһылыгын хаһаайыстыбаннай боппуруостарга солбуйааччы Егор Кардашевскай иһитиннэрдэ.
Нэһилиэнньэ үҥсүү суругун кэнниттэн хаары быстах кэмнээх полигонтан таспыттар. Билигин Дьокуускайга үс полигон баар.
«Сезон устатыгар уопсайа 800 тыһ. куб кэриҥэ хаар таһылынна. Бу олус элбэх. Холобур, былырыын 500 тыһ.куб хаар тиэллибит. Ол иннинээҕи сылларга 350-400 тыһ.куб. Ыарахан үлэ. Ол гынан баран, коммунальнай сулууспа үлэһиттэрэ тохтоло суох хонугу эргиччи үлэлииллэр«, — диэн иһитиннэрэр Егор Кардашевскай.
Кини бүгүҥҥү күҥҥэ 14 тыһ.п.м. ууну ыытар лотуок бэлэмнэниллибит. Уу сүүрэр 26 турбата, ууну хачайдыыр уон носуос үлэлии тураллар. Уопсайа 50 тиэхиньикэ үлэлиир.
Маны сэргэ, Кардашевскай Дьокуускай тулатыгар сааскы халааҥҥа бэлэмнэнии үлэтэ ыытылла турарын иһитиннэрдэ.
Бу иннинэ, өрөспүүбүлүкэ вице-премьерэ Дмитрий Садовников биэдэмистибэлэргэ уонна министиэристибэлэргэ ууну хачайдааһын үлэтигэр көмөнү күүһүрдэллэригэр сорудахтаабыта.
CИА
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…