Хаһан да үлэлээбэтэх киһи биэнсийэтин кээмэйэ төһө буоларый?

Хаһан да официальнайдык үлэлээбэтэх киһи биэнсийэҕэ тахсар болдьоҕуттан биэс сыл ааспытын кэннэ  социальнай биэнсийэни ылыаҕа. Бу сыл тохсунньу 1 күнүнээҕи туругунан, төлөбүр кээмэйэ 8824 солкуобай буолар.

Бу туһунан Федерация Сэбиэтин Социальнай бэлиитикэҕэ кэмитиэтин чилиэнэ, Псков уобалаһын Социальнай пуонда салаатын урукку салайааччыта Наталья Мельникова РИА Новости-га иһитиннэрдэ.

Сенатор быһаарбытынан, өскөтүн  үлэ ыстааһа уонна тус биэнсийэҕэ аналлаах коэффициена суох буоллаҕына, биэнсийэҕэ тахсааччыга социальнай биэнсийэ страховой биэнсийэтээҕэр биэс сылынан хойутаан ананар. Дьахталларга – 65 саас, эр дьоҥҥо – 70 саас буолар. Социальнай биэнсийэ кээмэйэ чопчу уонна сыл аайы индексацияланар. Билигин суумата 8824 солкуобайга тэҥнэһэр.

Мельникова эбии быһаарбытынан, өскөтүн социальнай биэнсийэ олорор алын кээмэйтэн намыһах буоллаҕына, бу таһымҥа тиэрдэргэ эбии төлөбүр ананыаҕа.

«Парламентская газета» суруйбутунан, Судаарыстыбаннай Дуумаҕа Арассыыйаҕа байыаннай биэнсийэлэр 2026 сыл алтынньы 1 күнүттэн индексацияланыахтара. Билиҥҥитэ бүддьүөккэ 4% кээмэйдээх индексация көрүллүбүт.