Хаартыска: А.Акимова
Кулун тутар 20 күнүгэр «Саха сирэ» хаһыат уонна Ем. Ярославскай аатынан мусуой тэрийиилэринэн «Хаһыат уонна мусуойдар: үйэлээх ситим» диэн төгүрүк остуол ыытылынна.
“Төгүрүк остуолу” “Сахамедиа” генеральнай дириэктэрин солбуйааччы Чокуур Гаврильев иилээн-саҕалаан ыытта. Эҕэрдэ тылы СӨ култуураҕа уонна духуобунай сайдыыга миниистирэ Афанасий Ноев, СӨ Предпринимательство, эргиэн уонна туризм министиирэ Тимур Ханды, “Сахамедиа” генеральнай дириэктэрэ Виктор Колесов, “Саха сирэ” хаһыат эрэдээктэрэ Александр Тарасов уо.д.а. эттилэр.
“Саха сирэ” хаһыат икки сылтан бэттэх өрөспүүбүлүкэ мусуойдарын кытары үлэни тэрийдэ. Хаһыат таһаарааччы эрэдээктэрэ Сардаана Баснаева “Сэдэх маллар” диэн ыыппыт тэрээһинэ улахан сэҥээриини ылан, өссө күүскэ сайдан бүгүҥҥү тэрээһин салҕыытын курдук буолла. Мусуойдарга экспонаттар хайдах хараллан сыталларын туһунан киэҥ эйгэҕэ: “Саха сирэ” хаһыат балаһаларыгар, социальнай ситимнэргэ элбэхтик кэпсэммитэ.
“Төгүрүк остуолга” уонна “Сэдэх экспонаттар” быыстапкаҕа Алдан, Мэҥэ Хаҥалас, Хаҥалас, Ньурба, Чурапчы, Кэбээйи, Горнай, Амма, Үөһээ Бүлүү, Эдьигээн, Таатта, Томпо, Уус Маайа улуустарыттан кэлэн кытталлара бырайыак киэҥ хабааннааҕын туоһулаата.
Виктор Джамаханович бырайыактар ааптардара Сардаана Баснаеваҕа “Сахамедиа” Махтал суругун туттарда. Виктор Колесов бырайыактарга 20 мусуой кыттыбытын, хомойуох иһин, дьикти экспонаттары өрөспүүбүлүкэ дьоно бары көрөр кыаҕа суоҕун, ол оннугар бу бырайыак көмөтүнэн өрөспүүбүлүкэ сэдэх экспонаттара биир сиргэ түмүллүбүттэрин көрөр улахан кыах бэриллибитин бэлиэтээтэ. Онон бу бырайыак табыгастааҕын ааһан, элбэх иһитиннэриини биэрэр, туристары тардар кыахтаах, маастардары маастардар үйэлээх маллары айалларыгар көҕүлүүр
Бүгүн күнүс 3 чаастан Ем. Ярославскай аатынан мусуойга “Сэдэх экспонаттар” быыстапка үөрүүлээх быһыыга-майгыга аһыллыаҕа.
Мусуой быыстапкаҕа саалатын сэбиэдиссэйэ Марианна Стручкова:
“Олус элбэх үлэ түмүгүнэн бүгүн быыстапкабыт аһыллыаҕа. Быыстапкаҕа 23 мусуой кыттар, 133 мал турда. Хас биирдиигит онно биир киһи курдук ылсан, биир санааҕа кэлэн, экспонаттаргытын тиэйэн аҕалан туруорбуккутугар махтанабыт. Саамай бастакынан Аллараа Халыма мусуойа ыыппыта, олунньу ортотугар экспонаттарын аҕалан туттарбыттара. Хас биирдии мусуой улахан кээмэйдээх малларын аҕалар кыаҕа суох, ол гынан баран, видеоҕа уһулан ыыппыттарынан, быыстапкаҕа онлайн кыттар кыахтаммыттара кэрэхсэбиллээх”, — диэн тэрийээччилэргэ махтанна.
Икки түһүмэҕинэн ыытыллыбыт “төгүрүк остуолга” улуустар мусуойдарын бэрэстэбиитэллэрэ көҥүллүк санааларын эттилэр, уопуттарын атастастылар.
Ыам ыйын 6 күнүгэр Татарстаан өрөспүүбүлүкэтин киинигэр Казань куоракка «Казань оһуордара» оҕо уонна ыччат айар…
Бу күннэргэ оҕуруоччуттарга эппиэттээх кэм саҕаланна. Өлгөм үүнүүлээх оҕуруот аһын ылары ситиһэргэ кэмигэр уонна хаачыстыбалаах…
Михаил Мишустин Госдуумаҕа дойду бырабыыталыстыбатын бэрэссэдээтэлин солбуйааччыларын уонна федеральнай миниистирдэр дуоһунастарыгар кандидатуралары бигэргэтэргэ испииһэги киллэрдэ.…
2024 сылга иккис уонна кэнники төрөөбүт оҕолорго ийэ хапытаалын кээмэйэ 833 тыһыынча солкуобайга тэҥнэстэ. Бу…
– Кыбартыырабын атыылаабытым. Декларация туттарыахтаахпын дуо? Арассыыйа Федеральнай Нолуок сулууспатын Саха Өрөспүүбүлүкэтигэр управлениетын судаарыстыбаннай өҥөлөрү…
Киин куоракка кэлэр нэдиэлэҕэ синоптиктар былыттаах уонна сөрүүн буоларын билгэлээтилэр. Дьокуускайдааҕы гидрометеосулууспа дааннайынан, ыам ыйын…