Хаартыска уонна видео - Елена Потоцкая.
Аммаҕа ыытыллыбыт адаптивнай успуорт көрүҥнэрин «Дьулуур» 14-с Спартакиадата үөрүүлээх аһыллыытыгар Амма улууһун бренд буолбут бэлиэлэрин ис хоһоонун арыйан көрдөрдүлэр.
Ол курдук, Амма сардаанатын, дьэдьэнин, бурдугун, ыраас уутун тэҥэ эбии бэһис саҥа бренд-бэлиэ (символ) — Хайа сүрэхтэниитэ буолла.
Амма аатырбыт хайалара – Суруктаах хайа, Өнтө хайата, Короленко хайата, Харчылаах хайа, Харама хайата номоххо киирэн, кэпсэлгэ сылдьаллар. Бу туристар саамай сылдьар сирдэринэн буолаллар. Онон Харама хайатын ис хоһооно уус-уран дьүһүйүү сүрүн көстүүтүнэн буолан, дьон болҕомтотун тардыан тарта. Биир тылынан, Амма бренд-бэлиэлэрэ спартакиаданы ураты тыыннаатылар.
Тэрээһин сиэрин-туомун режиссера – Татьяна Чаранская. Театрализованнай көстүү сценарийын саха аатырбыт бэйиэтэ Саргылаана Гольдерова – Саргы-Куо суруйбут. Кинилэр иккиэн Амматтан төрүттээх буолан, төрөөбүт дойдуларын ис хоһоонун толору, олус истиҥник арыйдылар.
Саргылаана Гольдероваттан-Саргы Куоттан Хайа уобараһа хайдах үөскээбитин ыйыппыппар, маннык хоруйу биэрдэ:
Саргы Куо «харама» диэн тылы кэнниттэн аахтахха, «амарах» диэн тыл тахсар диэн бэлиэтээбитин бэркэ сэргии иһиттим. Кырдьык да, Амматтан төрүттээх айар куттаах бэйиэт суруйбут сценарийа спартакиада ис хоһоонун — олоххо дьулуур, тулуур амарах санааны кытта ситимнэспитин саҥа бренд быһыытынан көстүбүт Хайа символа толору арыйда. Бу туһунан төрөөбүт дойдутун тыына киниэхэ хайдах көмөлөспүтүн Саргы Куо бу курдук санаатын үллэһиннэ:
Саргылаана Гольдерова-Саргы Куо суруйбут сценарийыгар адаптивнай успуорт көрүҥнэрин спартакиадатын Өрөгөй ырыатын аан бастаан толоруу биир бас-көс оруолу ылла.
«Күүстээх санаа көмүөл мууһа
Олох өрүһүнэн устаҕын,
Күннээх санаа чаҕыл күүһэ
Сүрэх мууһун ууллараҕын.
Өркөн өй күн күүһэ — эн бастаа,
Ыарыы-дьай муҥун киэр кыйдаа
Чэгиэн олох дьолун көмүскээ
Күн дьонун кыайыыга кынаттаа!
— саҥа сүрэхтэммит Амма бэһис брендинэн буолбут хайа бу ырыаҕа сөп түбэһэн, спартакиада символа буолан, доруобуйаларыгар хааччахтаах дьон өйүгэр-санаатыгар үтүө өйдөбүл буолан хаалыаҕа.
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…
Байанай ыйа саҕаланар биир күнүгэр Клара Андреевна уонна Никандр Прокопьевич Тимофеевтарга улуу олоҥхону дьоһуннаан олорор…
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…