Хаартыска sakha.gov.ru ылылынна.
Саха сиригэр саамай элбэх кэтэх дьиэ хайа оройуоҥҥа тутуллубутуй?
Кэнники сылларга Саха сиригэр бэйэ бас билэр дьиэтин-уотун туттуу элбээбитэ бэлиэтэнэр. Маныаха бу чэпчэтиилээх кирэдьииттээһин бырагыраамалара тирэх буолаллара ыйыллар. Өскөтүн 2019-2020 сылларга 200 тыһ.кэриҥэ кв.м дьиэни дьон туттубут эбит буоллаҕына, бүгүн ол сыыппара 400 тыһ. кэриҥэ кв. м тиийдэ.
«Кэнники сылларга чааһынай дьиэни тутуу лаппа элбээбитэ үөрдэр. Чэпчэтиилээх кирэдьииттээһин бырагырааматынан бу хайысхаҕа үлэ икки төгүл улаатта«, — диэн бэлиэтиир СӨ Тутуу миниистирэ Виктор Романов.
Бэлиэтиир буоллахха, чааһынай дьиэни тутууга лиидэрдэринэн Дьокуускай куорат — 123,3 тыһ. кв. м (52 %), Мэҥэ Хаҥалас улууһа — 14,3 тыһ. кв. м (6%), Чурапчы улууһа — 11 тыһ. кв. м (4,7%) буолаллар.
Быйылгы сылга өрөспүүбүлүкэ үрдүнэн 350 тыһ. кв. м итэҕэһэ суох иэннээх олорор дьиэни тутан үлэҕэ киллэрии соруга турар. Билиҥҥи туругунан былаан 67 %, ол эбэтэр 236,2 тыһыынча кв. м. буолан турар.
Өрөспүүбүлүкэҕэ тутуу уратытын учуоттаан, дьиэни-уоту киллэрии сүрүннээн бу сыл хаалбыт төрдүс кыбартаалыгар күүтүллэр.
2018 сыллаахха өрөспүүбүлүкэҕэ 205,7 тыһ. кв.м. чааһынай дьиэ тутуллан киирбитэ. 2022 сылга бу көрдөрүү 385,7 тыһ. кв.м. тиийэн, 87 % улахан.
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III Сийиэһэ ахсынньы 17 күнүгэр саҕаланар. III Сийиэс бырагыраамата…