Хаартыска: Алена Павлова.
Нэһилиэктэри сайыннарыыга туһуламмыт олохтоох дьон көҕүлээһиннэринэн быһаарыллар саамай табыгастаах быраагыраама сыл аайы ыытыллар.
Чурапчы улууһун Хайахсыт нэһилиэгэр бу бырагыраама хайдах олоххо киирэрин туһунан нэһилиэк баһылыга Тарас Тарасов маннык кэпсээтэ:
— Өр сылларга араас таһымҥа туруорсубут нэһилиэк олохтоохторун сүрүн кыһалҕалара быһаарылларыгар бары биир санааҕа кэлэн, былааннаммыт бырайыактар олоххо киирэллэригэр олохтоох дьон тус бэйэлэрэ кыттыһар буолбуттара хайҕаллаах суол. Нэһилиэнньэ көҕүлүүр бырайыактарын олоххо киллэрии бырагырааматыгар (ППМИ) биһиги нэһилиэкпит 7 сыл устата кыттан, кыайыылаах буолан, тупсаран тутуу үлэтэ биллэ сайынна. Ол курдук, сайынҥы уу ситимэ тардылынна, сыбаалканы күрүөлээтибит, «Кэтит Күөл-Туора Күөл» уу бырахтарар ситими үлэҕэ киллэрдибит. Нэһилиэк иһинээҕи уоту таттыбыт, “Албан аат”искибиэрин олоххо киллэрдибит, киһи уҥуоҕун күрүөлээһин ыытылынна, биир дойдулаахпыт Иннокентий Теплоухов-Тимофеев пааматынньыгын саҥардан оҥордубут. Бу бырайыактары талыыга нэһилиэкпит олохтоохторо куоластаан, бэйэлэрин санааларын эппиттэрэ. Ол барыта олоххо киирдэ.
Олохтоох көҕүлээһини өйүүр быйылгы бырагыраамата нэһилиэнньэ, спонсордар 10% үптэрэ киирбитин кэнниттэн бүддьүөт үбэ көрүллэр. Бу сыллар тухары нэһилиэнньэ эбии үп хомуйан, араас тутуу барда. Быйылгы бырайыакпыт “Кыайыы түһүлгэтэ” пааматынньык таһынааҕы томтору кэҥэтии. Онно 123 сэрии кыттыылааҕар уонна 406 көһөрүү кыттыылааҕар өйдөбүнньук пааматынньык оҥоһуллуохтаах эскииһин симиэтэтэ бэлэм.
Онон “Кыайыы Болуоссата” тутуу ыытылларыгар олохтоох нэһилиэнньэттэн дьокутааттар көмөлөрүнэн хас түөлбэ аайыттан харчы хомуйуута ыытыллар. Ол курдук, үлэлиир дьонтон уонна үлэлиир биэнсийэлээхтэртэн 1000 солкуобайы, үлэлээбэт биэнсийэлээхтэртэн 500 солкуобайы хомуйабыт. Бу хомуллубут үп-харчы барыта улууска «ППМИ» счетугар түстэҕинэ эрэ, тутууга көрүллүбүт бүддьүөт харчытын ыыталлар. Онон Хайахсыт нэһилиэгин хас биирдии олохтооҕо нэһилиэкпит тупсарын уонна сайдарын туһугар бэйэтин кылаатын киллэрсэригэр, көмө-тирэх буоларыгар эрэнэбит.
“
Саха сирэ ыраахтан кэлэр туристары бэйэтин ураты, киһи атаҕа тиийбэтэх кэрэ айылҕатынан умсугутар. Швейцарияттан кэлбит…
Тулагы-Киллэмҥэ Арассыыйаҕа Норуоттар сомоҕолоһууларын, Саха сиригэр Култуура, нэһилиэкпитигэр Сомоҕолоһуу сыллара биллэриллибиттэрин арыйар үөрүүлээх тэрээһин өрө…
Олунньу 7 күнүгэр "Чурапчы" айар түмсүү салайааччыта Римма Иннокентьевна Корякина-Хотууна уонна кини кыыһа Сардаана Корякина-Сардаана…
ИДьМ Дьокуускайдааҕы управлениетын наркотик эргиирин хонтуруоллуур отделын үлэһиттэрэ эрэгийиэннэр икки ардыларынааҕы наркокурьер үлэтин тохтоттулар. Суһал-көрдүүр…
Саха сирэ сааскы халааны этэҥҥэ аһарарга анаан күүстээх бэлэмнэнии үлэтин саҕалаата. Туох үлэлэр ыытыллалларын туһунан…
Нерюнгри оройуонун Золотинка бөһүөлэгэр Ил Дархан Айсен Николаев бүгүн, олунньу 10 күнүгэр, Арассыыйа Дьоруойа, Хотугу…