СИА хаартыската
Күндү ааҕааччыларбыт! Эһиги ыйытыыларгытынан бу балаһаҕа хоруйдары таһаардыбыт. Кэлиҥҥи кэмҥэ дьиэ-уот, нолуок боппуруоһугар, олоххо-дьаһахха сыһыаннаах ыйытыылар киирэллэр.
— Чааһынай саҥа дьиэ туттубутум. Ону хайдах регистрациялатыахха сөбүй?
“Анна Дорофеева, “Дорофеева А. А.” ИП кадастровай инженерэ маннык хоруй даата:
— Кырдьык, бу боппуруоска “Бэчээт дьиэтигэр” баар офиспытыгар кэлэн үгүс киһи сүбэлэтэр. Саҥа туттубут дьиэҕитин регистрациялатарга икки ньыма баар: судургу (упрощенный) уонна көннөрү (обычный) диэннэр. Көннөрү көрүҥүнэн регистрациялатарга бастаан улуус дьаһалтатыгар дьиэни тутаары гынарыҥ туһунан иһитиннэриэхтээххин. Оччоҕо улуус дьаһалтата “Уведомление о соответствии параметров планируемого строительства” диэн докумуону эйиэхэ биэрэр. Бу ылбыт уведомлениеҕыт 10 сыл устата болдьохтоох. Онтон дьиэҕин тутан бүтэн баран, тиэхиньиичэскэй былааны кадастровай инженергэ оҥортороҕун. Кадастровай инженер кэлэн дьиэҥ иһин-таһын, учаастакка хайдах сытарын мээрэйдиир. Уонна тиэхиньиичэскэй былааны оҥорон биэрэр. Ол былааны ылан баран дьиэлээх киһи дьаһалтаҕа аны “уведомление о завершении строительства” диэн иһитиннэрэр. Оттон дьаһалта дьиэ туттубут киһиэхэ тутуллубут эбийиэк сөп түбэһэрин туһунан иһитиннэрии (уведомление) туттарар. Ону ылан баран хаһаайын МФЦ нөҥүө бас билиигэ ыларга регистрация оҥорторуохтаах.
Оттон судургу көрүҥ 2031 сыл кулун тутар 1 күнүгэр диэри туһаныллар. Онно ханнык даҕаны уведомление биэрии-ылыы ирдэммэт. Дьиэҕитин туттан баран, техбылаан оҥортороҕут уонна МФЦ нөҥүө регистрациялатаҕыт.
“Уһаайбабын аҥаардаары гынабын”
— Мин тыа сиригэр киэҥ уһаайбалаахпын. Ону аҥаардаары гынабын. Онно туох ирдэнэрий?
“Анна Дорофеева, “Дорофеева А. А.” ИП кадастровай инженерэ маннык хоруйдаата:
— Уһаайбаны аҥаардыырга бастаан уһаайба көҥүллэнэр кыра уонна муҥутуур кээмэйин билиэххэ наада. Ол хас нэһилиэк аайы туспа регламеннаах буолар. Уһаайбаҕытын аҥаардыырга ол кээмэйэ намыһахтан обургу эбэтэр муҥутуур улахан иэниттэн кыра буолуохтаах.
Дьэ, ол кээмэйэ сөп түбэһэр буоллаҕына, аҥаардыаххытын сөп. Араартыыр (межевой) былааны кадастр инженерэ оҥорор. Ол былааны оҥорторон бараҥҥыт МФЦ нөҥүө сайабылыанньа суруйаҕыт уонна икки учаастаккытыгар быыпыска ыларгыт ирдэнэр.
Бэчээккэ бэлэмнээтэ Женни Стрюкова
ИДьМ Дьокуускайдааҕы 1-кы №-дээх полиция салаатын дьуһуурунай чааһыгар сүтүктээх дьахтартан үҥсүү киирбит. Ол курдук, кини…
Халаан кэмигэр ууну ыраастыыр систиэмэлэргэ кирдээх уу киирэр. Итинэн сибээстээн, «Водоканал» ууну ыраастыыр ньымаҕа уонна …
Муус ааһыытын кэмигэр Саха сиригэр түөрт нэһилиэк ууга барар кутталлааҕын туһунан гидрометкиин сэрэтэр. Өскөтүн, Өлүөнэ…
Ыам ыйын 8 күнүгэр Дьокуускайга 24 саастаах эр киһи сибэкки атыылыыр маҕаһыыҥҥа киирэн 750 солкуобайдаах…
СӨ ыччат дьыалаларыгар уонна социальнай коммуникацияларга миниистир эбээһинэһин толорооччу, Арассыыйа Дьоруойа Игорь Юргин Арассыыйа Үөрэҕириитин…
Саха сиригэр ойуурга уот турар кутталлаах кэмигэр хаһааҥҥытааҕар даҕаны сэрэхтээх буолуу ирдэнэр. Ыксаллаах түгэн үөскээтэҕинэ,…