Хакасияҕа тустуу көрүҥнэринэн Бүтүн Арассыыйатааҕы оонньууларга саха тустууктара кыттыахтара

Саха тустууктара “Өбүгэлэр оонньуулара” тустуу национальнай көрүҥнэригэр бастакы Бүтүн Арассыыйатааҕы оонньууларга кыттыыны ылыахтара. Күрэхтэһии Абакаҥҥа бэс ыйын 21 уонна 22 күннэригэр буолар.

Саха сирин хамаандатын састаабыгар Максим Заморщиков (60 кг), Родион Васильев (70 кг), Дмитрий Эспек (80 кг), Александр Семейщиков (90 кг) уонна Даниил Иванов (90 кг) киирдилэр.

Бу күрэхтэһиилэргэ  “Курес” хакас национальнай тустуутун, “Куреш” алтай национальнай тустуутун уонна “Хапсаҕай” саха национальнай тустуутун баһылаабыт спортсменнар киирсиэхтэрэ.

Барыта 12 хамаанда Бурятияттан, Хакасияттан, Саха сириттэн, Тываттан, Алтайтан, Башкортостантан, Татарстантан, Забайкальскай кыраайтан, Иркутскай уобаластан уо.д.а. сирдэртэн кыттыахтара, диэн иһитиннэрэр Sportyakutia.ru.