Бүгүҥҥү күн туругунан, дьону быстах олордор 13 пуун үлэтин саҕалаата: Өймөкөөн улууһугар – 7, Муомаҕа – 4, Абыйга – 2. Бу туһунан СӨ бырабыыталыстыбатын бэрэссэдээтэлин бастакы солбуйааччы Дмитрий Садовников иһитиннэрдэ.
Сарсыарда 8 чаас саҕана Өймөкөөн таһынан уу таһыма 558 см этэ, кэлиҥҥи 8 чаас устатыгар 6 см түспүтэ бэлиэтэнэр. Юрта гидропост таһынан 903 см турар, 4 чаас иһигэр 6 см эбиллибит. Уус-Ньара бөһүөлэгин таһынан уу 471 см өрө тахсыбыт, эмиэ 4 чаас иһигэр 4 см эбиллибит. Хонуу сэлиэнньэтигэр -575 см (5 см түспүт), Кэбэргэнэ бөһүөлэгэр – 1780 см диэри тахсыбыт (плюс 9 см). Ньара өрүскэ Ала Чубук гидропост таһынан 36 см түспүтүн биллэрбиттэр — таһыма 560 см.
Гидромет сулууспата чугастааҕы икки сууккаҕа Өймөкөөн улууһугар ардах түһүө суоҕа диэбит. Ол гынан баран от ыйын 20 күнүттэн быстах ардахтар түһэллэрэ күүтүллэр.
Өймөкөөҥҥө, Томторго, Орто Балаҕаҥҥа аһылык, балаакка, көһөрүллэр куукуна, тепловой буускалар, мотопомпалар, ууну ыраастыыр фильтрдар, генераптордар, ПВХ туулар, бэнсиининэн барар эрбиилэр кэллилэр.
Ил Дархан сорудаҕынан от ыйын 17 күнүгэр бырабыыталыстыба оробуочай бөлөҕө саамай эмсэҕэлээбит Өймөкөөн улууһугар кэлбитэ. Исписэлиистэр ууга барбыт нэһилиэктэри үөһэттэн көрбүттэрэ, Өймөкөөн сэл. сылдьан нэһирлиэнньэни кытта буола турар балаһыанньаны, көмө миэрэлэрин быһаарсыбыттара.
Барыллаан дааннайынан, Өймөкөөн улууһугар биэс нэһилиэнньэлээх пууҥҥа 328 тиэргэн ууга барбыт. Итиннэ 89 олорор дьиэ уонна оскуола түбэспиттэр.
Муома улууһугар үс нэһилиэнньэлээх пууҥҥа 55 тиэргэн уонна түөрт кэтэх дьиэ ууга былдьаммыт. Абый улууһун Кэбэргэнэ бөһүөлэгэр 16 тиэргэн ууга барбыт.
Өймөкөөн улууһугар ЫБМ Саха сиринээҕи сүрүн управлениетын быыһааччылара уонна СӨ быыһыыр сулууспатын үлэһиттэрэ нэһилиэнньэҕэ көмөлөһө сылдьаллар, диэн иһитиннэрэр Ил Дархан, бырабыыталыстыба пресс-сулууспата.
АХШ бэрэсидьиэнэ Дональд Трамп идэтинэн бэрт эрдэттэн Арассыыйаҕа сыһыаннаах “сюрпризтааҕын” туһунан “этэн” кэбиһэн, ааспыт күннэргэ…
Бүгүн Хатас сэлиэнньэтин “Тускул” култууратын дьиэтигэр киһи баппат үлүгэрэ. Хатас олохтоохторо уонна Дьокуускайтан сылдьар ыалдьыттар…
Дьокуускайга холуобунай ирдэбил үлэһиттэрэ сокуоннайа суохтук саа оҥорбуттарын быһаарбыттар. Бу туһунан СӨ ИДьМ пресс-сулууспата суруйар.…
Уус Алдаҥҥа полиция үлэһиттэрэ маҕаһыыны уоттуу сатааһыҥҥа уорбаланар киһини быһаардылар. Бу туһунан СӨ ИДьМ пресс-сулууспата…
Уоппуска кэмин үгэнэ. Саатар Анапа кытылыгар быйыл мазут тохтон, Арассыыйа гражданнара сынньанар биир саамай былдьаһыктаах…
Хокку уонна танка – дьоппуон поэзиятын түҥ былыргы жанрдара.Мэҥэ Хаҥалас Дьабыылыттан төрүттээх, саха тылын уонна…