Салгыы
Халаан уутун содулугар түбэспиттэр БКЭ-ни хайдах туттаралларый?

Халаан уутун содулугар түбэспиттэр БКЭ-ни хайдах туттаралларый?

16.04.2024, 19:00
БКЭ
БКЭ
Хаартыска: СИА.
Бөлөххө киир:

Дойду үрдүнэн бигэргэммит болдьоҕунан БКЭ тутар сүрүн күнүгэр абитуриент туох эмит төрүөтүнэн  кыттар кыаҕа суох буоллаҕына, эксээмэни туттарарга  саппаас  күннэр көрүллэллэр диэн Госдуума Билимҥэ уонна үрдүк үөрэххэ кэмитиэтин бэрэссэдээтэлин  бастакы солбуйааччы Александр Мажуга эттэ.

Госдуума дьокутаата чуолаан сааскы халаан уутун содулларын туһунан кэпсээтэ. Ону сэргэ өрүстэргэ уу тахсыыта сыл устата хаста да хатыланыан сөптөөҕүн санатта. Ол курдук, урукку сылларга Саха сиригэр, Тываҕа, Алтаайга уонна Хакасияҕа халаан уута биир кэлим эксээмэннэри туттарыыга кутталы үөскэтэ сылдьыбыта биллэр. Быйыл Рособрнадзор итинник сабаҕалааһыннары учуоттаата диэн дьокутаат бэлиэтиир.

Хаартыска: pnp.ru

«Абитуриентан тутулуга суох ханнык эрэ төрүөтүнэн эксээмэни туттарар кыаҕа суох буоллаҕына, биллэн турар, саппаас күннэр көрүллэллэр», — диэн быһаарда парламентарий. Онон оскуола выпускниктара  долгуйар төрүөттэрэ суох, барыта эрдэтинэ тэрээһиннээхтик ыытыллыаҕа диэн эбэн эттэ Александр Мажуга. Бу туһунан «Парламентская газета» суруйар.

+1
1
+1
0
+1
0
+1
0
+1
0
+1
0
+1
0
Бары сонуннар
Салгыы
30 мая
  • 18°C
  • Ощущается: 17°Влажность: 48% Скорость ветра: 3 м/с

Сообщить об опечатке

Текст, который будет отправлен нашим редакторам: