Хаартыска: sakha.gov.ru
Саха сиригэр халаан уутуттан эмсэҕэлээбиттэргэ төлөбүрдэр толору оҥоһулуннулар. Бу туһунан Бырабыыталыстыба бастакы вице-премьерэ Дмитрий Садовников иһитиннэрдэ.
«Бүгүҥҥү күҥҥэ халаан уутуттан эмсэҕэлээбит улуустар олохтоохторо биир кэмнээх матырыйаалынай көмөнү уонна үп-харчы өттүнэн көмөлөрүн толору ыллылар. 247 мөл. солк. тахса суумаҕа төлөбүрдэр оҥоһулуннулар», — диэн кини бэлиэтээтэ. Садовников сүрүн федеральнай иниспиэктэр Евгений Корневы кытта Нам улууһугар сааскы халаан уутун кэнниттэн аварийнай- чөлүгэр түһэрэр үлэ хаамыытын билистэ. Командировка чэрчитинэн оробуочай бөлөх социальнай эбийиэктэргэ сырыттылар, олорор дьиэлэри уонна гидротехническай тутуулары көрдүлэр.
Бастакы солбуйааччы этэринэн, бүгүн Саха сирин бырабыыталыстыбата ыксаллаах быһыы-майгы биллэриллибит эрэсиимин чэрчитинэн Саха сиригэр туһуламмыт хоромньуну толуйарга федеральнай киини кытта үлэтэ салҕанар.
Кэнники биллибитинэн, Нам, Өлүөхүмэ, Анаабыр уонна Ньурба улуустарыгар хоромньу уопсай суумата 2 млрд солк. кэриҥэ суумаҕа тэҥнэстэ. Ыксаллаах быһыы- майгы эрэсиимэ киллэриллибитинэн, чөлүгэр түһэрэр үлэлэр үксүлэрэ дойду хааһынатын суотугар үбүлэнэр.
Санатан эттэххэ, Саха сиригэ сааскы халаан содулугар 4 улууһунан 27 нэһилиэнньэлээх пуун эмсэҕэлээбитэ. Айсен Николаев сорудаҕынан ыытыллыбыт индексация кэнниттэн эмсэҕэлээбиттэргэ биир кэмнээх көмө кээмэйэ 5-тэн 10 тыһыынча солк. диэри, үбүн-харчытын сүтүктээхтэргэ – 10- тан 100 тыһ. солк. диэри (баайын-дуолун чааһынай сүтэрдэҕинэ – 50 тыһ. солк., толору кээмэйинэн – 100 тыһ. солк.) үрдээбитэ.
СӨ Борокуратуурата иһитиннэрбитинэн, былырыын бэс ыйыгар 33 саастаах Дьокуускай куорат олохтооҕо тиэргэҥҥэ турар «КАМАЗ-5410» массыынаттан…
Дьокуускайга элбэх кыбартыыралаах дьиэлэргэ сылааһы биэрии 100% хааччылынна. Бу туһунан Дьокуускай куорат баһылыгын солбуйааччы Владислав…
Хоту көһөрүллүү күнүн бэлиэтиир тэрээһиннэр чэрчилэринэн, Чурапчыга “Айылгы” НАДь фойетыгар Саха сиригэр соҕотох баталист-худуоһунньук Иван…
СӨ Быыһыыр сулууспата иһитиннэрбитинэн, балаҕан ыйын 17 күнүгэр 21.15 ч. Дьокуускай куоракка Сайсары күөлгэ 2000…
Амма сэлиэнньэтигэр Мир уулуссаҕа таба киирэн олохтоохтору соһутта. Туһааннаах видео бу күннэргэ социальнай ситиминэн тарҕанна.
"Путь воина" байыаннай-тактическай күрэхтэһиигэ бэҕэһээ Волгоградскай уобалас «Сталинград» уонна Тюменьскай уобалас «Соболь» хамаандалара күөн көрүстүлэр.…