Хаартыска: sakha.gov.ru
Саха сиригэр халаан уутуттан эмсэҕэлээбиттэртэн 5 тыһыынчаттан тахса сайабылыанньа киирдэ.
Бу туһунан СӨ Экологияҕа, айылҕаны туһаныыга уонна ойуур хаһаайыстыбатын миниистирин солбуйааччы Анатолий Алексеев иһитиннэрдэ.
Нам, Өлүөхүмэ, Ньурба улуустарынан халаан уутуттан эмсэҕэлээччилэринэн 3497 киһи билиннэ. Докумуоннары судаарыстыбаннай өҥөнү оҥоруу порталын (Госуслуги) нөҥүө ылаллар. Олохтоммут регламенынан сайабылыанньалары бэс ыйын 18 күнүгэр диэри ылыахтара.
«Экология министиэристибэтэ биир кэмнээх матырыйаалынай көмөнү аныырга сайабылыанньаны ылыы уонна көрүү үлэтин салҕыыр. Ыам ыйын 31 күнүнээҕи туругунан барыта 5854 сайабылыанньа киирдэ, ол иһигэр матырыйаалынай көмөнү ылыыга — 3085, үп-харчы өттүнэн көмөлөһүүгэ — 2769», – диэтэ Анатолий Алексеев.
Маны таһынан Анатолий Алексеев гидрологическай балаһыанньа туһунан сырдатта. Муус билигин Арктика улуустарынан устар. Ураты болҕомтоҕо – Анаабыр өрүһэ. Сарсыарда Сааскылаахха муус сэдэхтик устара бэлиэтэммит, уу таһыма 1170 см муҥутуур бэлиэҕэ 1160 см этэ.
«Чугастааҕы сууккаҕа уу таһыма 1200 см үрдүүрэ күүтүллэр — кутталлаах бэлиэттэн 30 см үрдүк. Сааскылаахха намыһах учаастактарыгар халаан уута тахсара күүтүллэр», — диэн бэлиэтээн эттэ.
Санатан эттэххэ, ыам ыйын 20 күнүгэр Саха сиригэр халаан уутуттан эрэгийиэннээҕи ыксаллаах быһыы-майгы эрэсиимэ биллэриллибитэ. Ил Дархан Айсен Николаев сорудаҕынан эмсэҕэлээбиттэргэ биир кэмнээх көмө оҥоруу төлөбүрүн кээмэйэ 4 төгүл үрдээбитэ. Ыксаллаах быһыыны-майгыны суох оҥорууга уонна саахал содулларын туоратыыга резервнэй пуондаттан үп-харчы тыырыллар. Ити сыалга 300 мөл. солк. тахса үп-харчы көрүллүбүтэ.
Сииттэҕэ "Үтүө санаа харыйата" сылын аайы ыытыллар. Кэнники кэмнэ олохтоохтор олус көхтөөхтүк кыттар буоллулар. Киирбит…
Бэрдьигэстээххэ 2025 сылы түмүктүүр "Бастыҥнар түһүлгэлэрэ" тэрээһин үрдүк таһымнаахтык буолан ааста. Үрдүктэн үрдүгү баһылааһын, сулустарга…
2026 сыл Уот кыһыл ат сыла буоларынан уонна улууспутугар ыытыллар Олонхо сылынан Сииттэ олохтоохторугар ураты,…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Саҥа дьыл кэнниттэн сорохторго өссө биир уоппуска кэмэ наадатын курдук буолар. Тоҕо диэтэххэ, урукку тэтимнэригэр…
Аҕыйах оҕону бэлэмнээн, хаар түспүтүн кэннэ сыарҕалаах ат булан, пиэримэҕэ кэнсиэрдии барабыт. Миигин бэлэмнээн биллэрээччи…